ފުލުހުން މައުލޫމާތުދޭ ގޮތުގައި ކޯޓު އަމުރެއްގެ ދަށުން ހައްޔަރުކޮށްފައިވާ އެ ފިރިހެންމީހާ އަކީ ދިވެއްސެކެވެ. އަދި އެ މީހާ ހައްޔަރުކޮށްފައި ވަނީ މިއަދު ކަމަށް ވެސް ފުލުހުން ބުނެ އެވެ.
އެ ކުއްޖާ ރޭޕްކޮށްފައި ވަނީ ކ. އއ. އދ. އަދި ވ. އަތޮޅުގެ ރަށެއްގައި ކަމަށް ފުލުހުން ބުނެ އެވެ. އަދި އެކުއްޖާ ރޭޕްކުރީ އިތުރުބާރުކުރެވޭ މަގާމެއްގައި ހުރި މީހެއް ކަމަށް ވެސް ފުލުހުން ވަނީ ބުނެފަ އެވެ.
ކުޑަ ކުދިންނަށް ޖިންސީ ގޯނާ ކުރާ ގިނަ މައްސަލަތަކެއް ފެންމަތިވެފައި ވާއިރު، ޖިންސީ ގޯނާގެ ޝިކާރައަކަށްވީ ދެ ކުޑަ ކުއްޖަކު ވަނީ ބަލިވެ އިނދެފަ އެވެ. އަދިި ކުޑަ ދެކުދިން ރޭޕް ކުރި ދެމީހުން ވަނީ ޝަރީއަތް ނިމެންދެން ބަންދުކޮށްފަ އެވެ.
ރޭޕް ކުރި ކުޑަ ދެ ކުއްޖަކު ބަލިވެއިން ކަމުގެ މައްސަލަތަކެއް ފުލުހުންނަށް ހުށައަޅާފައި ވާއިރު، އެ ދެ މެއްސަލާގައި ވެސް ތުހުމަތުކުރެވޭ ދެ މީހުން މިހާރު ވަނީ ހައްޔަރުކޮށްފަ އެވެ.
ކުޑަކުދިން އާއި ގުޅޭ މައްސަލަތަކަކީ ސީރިއަސް މައްސަލަ ތަކަކަށް ވާތީ ކުއްޖާގެ އައިޑެންޓިޓީ ރައްކާތެރިކުރުމަށް ކުއްޖާ ނުވަތަ، މައްސަލަ ހުށައަޅާ އަތޮޅާއި ރަށް ފުލުހުން ހާމަ އެއް ނުކުރެ އެވެ.
