ރައީސުލްޖުމްހޫރިއްޔާ އިބްރާހިމް މުހައްމަދު ސާލިހުގެ ތަރުޖަމާނު އިބްރާހިމް ހޫދު---ފޮޓޯ: ރައީސް އޮފީސް
އިންޑިއާ މީހުން ރަށެއްގައި އާބާދުކުރާކަށް ނޫޅެން: ހޫދު
26 ޖުލައި 2020 - 16:09:24
ރާއްޖޭގެ އުތުރުގެ ރަށެއްގައި އިންޑިއާ މީހުން އާބާދުކުރުމަށް އިންޑިއާ ސަރުކާރުން ދިވެހިރާއްޖޭގެ ސަރުކާރަށް ހުށަހަޅާފައިވާ ކަމަށް ފެތުރޭ ވާހަކަ ރައީސް އޮފީހުގެ ތަރުޖަމާނު އިބްރާހީމް ހޫދު ދޮގުކުރައްވައިފި އެވެ.
Advertisement
އޮންލައިން ނޫހެއްގައި އެކަމާއި ގުޅިގެން ލިޔެފައިވާ ރިޕޯޓެއް ދޮގު ކުރައްވާ، ހޫދު ވިދާޅުވީ "އެއީ ރޯބުހުތާނު ދޮގު" ކަމަށެވެ.
ހޫދު ވިދާޅުވީ ރާއްޖޭގެ އެއްވެސް ސަރަހައްދެއްގައި ބޭރުގެ މީހުން އާބާދުކުރުމުގެ އެއްވެސް ވިސްނުމެއް އެއްވެސް އިރަކު ސަރުކާރުން ނުގެންގުޅޭ ކަމަށާއި އެއީ ދުވަހަކު ވެސް ކުރާނެ ކަމެއް ނޫން ކަމަށެވެ.
ހއ. ދައްޕަރުގައި އިންޑިއާ މީހުން އާބާދުކުރަން އުޅޭކަމަށް ރިޕޯޓްކުރާއިރު އެކަމާއި ގުޅިގެން ހޫދު ވަނީ "ސެކަންޑް ހޯމް" ކޮންސެޕްޓަކީ ވިސްނުމެއް ނަމަވެސް އެތަނަކީ ވަކި ގައުމެއްގެ ބަޔަކު ގެންނަން ކުރާ މަސައްކަތެއް ނޫން ކަމަށް ވިދާޅުވެފަ އެވެ. އަދި އެއީ ވިސްނުމެއް ކަމަށާއި މިހާތަނަށް އެކަމަށް ކޮންޓްރެކްޓަރަކު އަދި ފަންޑުކުރާނެ މީހަކު ވެސް ހޯދާފައި ނުވާ ކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
