ރޭ އިދިކޮޅު ކޯލިޝަންގެ އެކި ފަރާތްތައް ހިމެނޭ ގޮތުން ވަނީ މާލޭގައި "މިނިވަން އިހުތިޖާޖު"ގެ ނަމުގައި އެއްވުމެއް ބާއްވާފައެވެ. އެގޮތުން އެ އެއްވުމުގައި އިދިކޮޅު ޕީޕީއެމް ޕީއެންސީ ކޯލިޝަންގެ އިސްބައެއް ފަރާތްތަކާއި އާންމުން ބައިވެރިވެފައިވެ އެވެ.
މި އެއްވުމާއި ގުޅޭގޮތުން ޝަހީމް ރޭ ކުރެއްވި ޓްވީޓެއްގައި ވިދާޅުވެފައިވަނީ އިދިކޮޅުގެ މުޒާހަރާގައި އެއްވެސް ބަޔަކު ބައިވެރި ވެފައިނުވާކަމަށެވެ. އަދި އެ މުޒާހަރާ ކުރީ ހިޔާނާތުގެ މުޖުރިމުން، އިންސާފަށް ބިރުން ކަމަށްވެސް ޝަހީމް ވިދާޅުވި އެވެ.
މީގެ އިތުރުން ޝަހީމް ވިދާޅުވެފައިވަނީ ތެޅުނު ވަރަކަށް ދާނީ ހުޅުނބު ކަމަށާއި، ވަގުން ހިފާ ހައްޔަރު ކުރާނެ ކަމަށެވެ.
ރޭގެ އެއްވުން އިދިކޮޅުން ފަށާފައިވަނީ މަޖީދީ މަގު ޗާންދަނީމަގު ހަތަރު އަނގޮޅި ކަންމަތިންނެވެ. އަދި އޭގެ ފަހުން މުޒާހަރާގެ ބައިވެރިން ގޮސްފައިވަނީ ޕީޕީއެމް އޮފީސްކައިރި އަށެވެ.
