ޖަލްސާއަށް މިނިސްޓަރު ޒަހާ ހާޒިރުކުރުމަށް އެޖެންޑާކޮށްފައި ވަނީ މަޖިލީހުގެ ދާންދޫ ދާއިރާގެ މެންބަރާއި މަޑުއްވަރީ ދާއިރާގެ މެންބަރު ޒަހާ ވަހީދާ ސުވާލު ކުރަން ހުށަހަޅާފައި ވުމުންނެވެ.
އެގޮތުން ދާންދޫ ދާއިރާގެ މެންބަރު ޔައުގޫބް އަބްދުﷲ ހުށަހަޅުއްވާފައި ވަނީ މިފްކޯއިން މަސްވެރިން ވިއްކާ މަސް ގަތުމަށް ފަހު ދޭން ޖެހޭ ފައިސާ ލަސްވާ ސަބަބާއި، ފައިސާ ދެވޭނެ ދުވަހެއް ސާފު ކުރުމަށް ހުށަހަޅުއްވާފައިވާ ސުވާލެކެވެ.
އަދި މަޑުއްވަރީ ދާއިރާގެ މެންބަރު އާދަމް ޝަރީފް ސުވާލު ހުށަހަޅުއްވާފައި ވަނީ އިންޑިއާ ސަރުކާރުގެ ލޯނު އެހީގެ ދަށުން މެންބަރުގެ ދާއިރާގައި ހިމެނޭ ރ. މަޑުއްވަރީގައި ގާއިމް ކުރާ އައިސް ޕްލާންޓްގެ މަޝްރޫއާ ގުޅޭ ގޮތުންނެވެ.
މަސްވެރިންނަށް ފައިސާ ދިނުން ލަސްވާ ސަބަބާ ގުޅޭ ގޮތުން ސުވާލު ކުރަން ޒަހާ އާ މަޖިލީހުގައި ސުވާލުކުރެވޭއިރު، ކޮވިޑް-19 ގެ ސަބަބުން ދުނިޔޭގެ އިގްތިސާދަށް އައި ހީނަރުކަމުގެ އަސަރު ވަނީ މަސްވެރިކަމުގެ ސިނާއަތަށް ވެސް ކޮށްފައެވެ.
އެކަމާއި ގުޅިގެން ވަރަށް ފަހުން ވެސް މިފްކޯއިން ބުނެފައި ވަނީ މުއްދަތުތަކަށް ބަހާލައިގެން މިހާތަނަށް ނުދެއްކި ހުރި ފައިސާތައް، މަސް ދޯނިތަކަށް ރައްދުކުރުމުގެ މަސައްކަތް ކުރަމުންދާ ކަމަށެވެ.
