މަހްލްދީބް ފައުންޑޭޝަނުން ބެލެނިވެރިންނަށް ހާއްސަކޮށްގެން ކުރިއަށް ގެންދާ އެ ވެބިނާގައި، ދަރިން އިންޓަނެޓް ބޭނުންކުރަނީ ރައްކާތެރި ގޮތުގައި ކަން ކަށަވަރުކުރުމުގެ މުހިންމު ކަމާއި، އިންޓަނެޓުން ކުދިންނަށް ފޯރާފާނެ ނޭދެވޭ އަސަރުތަކަށާއި، ކުޑަކުދިންނަށް އަމާޒުކޮށްގެން މުޖްރިމުން ހިންގާ ބައެއް ނޭދެވޭ ކަންކަމުގެ މައުލޫމާތު ދިނުން ހިމެނެ އެވެ.
އަދި، ދަރިން އިންޓަނެޓް ބޭނުން ކުރަނީ ރައްކާތެރި ގޮތުގައި ކަން ކަށަވަރު ކުރުމަށް ބޭނުންކުރެވިދާނެ ބައެއް ޓޫލްތަކާ ގުޅޭ މައުލޫމާތަކަށް ވެސް އަލިއަޅުވައިލެވޭނެ ކަމަށް މަހަލްދީބް ފައުޑޭޝަންއިން ބުނެއެވެ.
ސެޕްޓެމްބަރު 25 ވާ ހުކުރު ދުވަހުގެ ރޭ 20:45 އިން 23:00 އޮންލައިންކޮށް ގެންދާ އެ ވެބިނާ ކުރިއަށް ދާނީ އާންމުކޮށް ހުޅުވައިލެވިގެން، އޮންލައިން ކޮންފަރަންސިން ޕްލެޓްފޯމް ޒޫމް މެދުވެރިކޮށެވެ.
ވެބައިނާގައި މައުލޫމާތު ދެއްވާނީ ހިރާ ސްކޫލްގެ ބޯޑް މެމްބަރު އަލްއުސްތާޒް މުހައްމަދް އަނީލް އާއި އެމްއާރްއީއައިސީގެ ޖެނެރަލް މެނޭޖަރު އަހްމަދް ނަސީމް އެވެ.
އަނީލްއަކީ ދަރިން ތަރުބިއްޔަތު ކުރުމުގެ ދާއިރާއިން 100 އަށްވުރެ ގިނަ ވޯކްޝޮޕާއި ސެޝަން ނަންގަވާދެއްވާފައިވާ ބޭފުޅެކެވެ. އަދި އަހްމަދު ނަސީމް އަކީ ނެޓްވޯކިންގެ ދާއިރާއިން މަތީ ތައުލީމް ހާސިލް ކުރައްވާފައިވާ ބޭފުޅެކެވެ.
އެ ވެބައިނާގައި ބައިވެރިވެ ވަޑައިގަންނަވަން ބޭނުންފުޅުވާ ބޭފުޅުން ރަޖިސްޓްރޭޝަން ފޯމް ފުރުއްވުމުން ރެޖިސްޓްރީ ވެވޭނެއެވެ. އަދި މިވެބިނާ އަކީ ހިލޭ ކުރިއަށް ގެންދާ ވެބިނާއެކެވެ.
