މިއަދު ޕޮޒިޓިވްވި އަދަދު 50 އިން ދަށުގައި
އަބްދުﷲ ޔާމިން
22 ސެޕްޓެމްބަރ 2020 - 22:03:04
ރާއްޖެއިން މިއަދު ކޮވިޑް-19 އަށް 48 މީހުން ޕޮޒިޓިވް ވެފައިވާކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި އެވެ.
އެޗްޕީއޭއިން ބުނެފައިވަނީ މިއަދު ޕޮޒިޓިވްވި 48 މީހުންގެ ތެރެއިން 28 މީހުންނަކީ ދިވެހިން ކަމަށެވެ. އަދި 20 މީހުންނަކީ ބިދޭސީން ކަމަށެވެ.
މިއާއި އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމުލަ އަދަދު ވަނީ 9818 އަށް އަރާފައެވެ. މިވަގުތު ރާއްޖޭގައި ކޮވިޑްގެ އެކްޓިވް 1340 ކޭސް ތިބި ކަމަށްވެސް އެޗްޕީއޭއިން މައުލޫމާތު ދީފައިވެ އެވެ.
މިއަދު ރާއްޖެއިން ކޮވިޑް-19 ގައި ރަނގަޅު ވެފައިވަނީ 48 މީހުންނެވެ. މިއާއި އެކު ޖުމުލަ ރަނގަޅުވި މީހުންގެ އަދަދު ވަނީ 8438 ކަށް އަރާފައެވެ. މީގެ އިތުރުން އެޗްޕީއޭއިން ބުނެފައިވަނީ 92 މީހަކު ހޮސްޕިޓަލުގައި އެޑްމިޓް ކޮށްގެން ފަރުވާ ދެމުން އަންނަކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް