އެ ޕްރޮގްރާމަކީ ޓެކްސީގެ ހިދުމަތަަށް އަލަށް ނުކުންނަ މީހުންނަށް އަމާޒުކޮށްގެން ހިންގާ މިއަހަރުގެ ދެވަނަ ޕްރޮގްރާމް އެވެ.
ފުލުހުން ބުނީ ޓްރެފިކް މެނޭޖްމަންޓް ޑިޕާޓްމަންޓުން ކުރިއަށް ގެންދާ އެ ތަމްރީނު ޕްރޮގްރާމުގައި، އެއްގަމު ދަތުރު ފަތުރުގެ ގާނޫނާއި ގަވާއިދުތަކަށް އަހުލުވެރިކުރުވުމަށް މައުލޫމާތު ދިނުމަށް ހަމަޖެހިފައިވާ ކަމަށެވެ.
އަދި އެކްސިޑެންޓްތައް މަދުކުރުމުގައި ޓެކްސީ ޑްރައިވަރުންގެ ދައުރާ ގުޅޭގޮތުން މައުލޫމާތުދީ ޓެކްސީ ޑްރައިވަރުންގެ އަމަލުތައް ބަހައްޓަންވީ ގޮތްތަކާ ގުޅޭގޮތުންވެސް އެ ތަމްރީނު ޕްރޮގްރާމުގައި މައުލޫމާތުދޭނެކަމަށް ފުލުހުން ބުނެއެވެ.
މިއަދުން ފެށިގެން ދެ ހަފްތާގެ މުއްދަތަށް ކުރިއަށް ގެންދާ އެ ޕްރޮގްރާމްގައި 266 މީހަކު ބައިވެރިވެފައިވާއިރު މައުލޫމާތު ދިނުން ކުރިއަށް ގެންދާނީ ގްރޫޕް ތަކަކަށް ބަހާލައިގެންކަމަށް ފުލުހުން ބުނެއެވެ.
ޓެކްސީ ޑްރައިވަރުންނަށް ކުރިއަށްގެންދާ އެ ޕްރޮގްރާމަކީ ފުލުހުންނާއި ޓްރެފިކް މެނޭޖްމަންޓް ޑިޕާޓްމަންޓް ގުޅިގެން ސިލްސިލާކޮށް ކުރިއަށްގެންދާ ޕްރޮގްރާމެކެެވެ.
