އުމުރުން 31 އަހަރުގެ ސިދުރަތުﷲ ވަޅުލަނީ އާސަހަރާ މިސްކިތުގަ އެވެ.
ގދ. ވާދޫއަށް ނިސްބަތްވާ އުމުރުން 31 އަހަރުގެ ސިދުރަތުﷲ، ގެ މަރަކީ ގުދުރަތީ މަރެއްކަން ކަށަވަރު ކުރެވިފައި ނުވާތީ ޕޯސްޓްމޯޓަމް ހެދުމަށް ފޮނުވީ މިދިޔަ ހޯމަ ދުވަހު މޯޗަރީގައި ބާއްވާފައި އޮންނަތާ ގާތްގަނޑަކަށް ދިހަ ދުވަސް ފަހުންނެވެ.
ވަޅުނުލާއި ގިނަ ދުވަސްތަކެއް ވަމުންދާތީ އާއިލާ އިން ވަނީ އޭނާގެ ހަށިގަނޑު އާއިލާއާ ހަވާލުކޮށްދިނުމަށް ވެސް އެދިފަ އެވެ. ޖިނާއި އިޖުރާއަތުގެ ގާނޫނުން ފުލުހުންނަށް ލިބިފައިވާ ބާރުގެ ދަށުން ޕޯސްޓްމޯޓަމް ހެދެން ދެން ބޭއްވި އެވެ.
މިދިޔަ މަހުގެ 21 ވަނަ ދުވަހު އެ ސަރަހައްދު އައިޖީއެމްއެޗު ކައިރިން މޫދުގައި މަރުވެފައި އޮއްވައި ސިދުރަތުﷲ ފެނުނުއިރު ފުލުހުން ވަނީ އެމަރުގެ ތަހުގީގަށް އާންމުންގެ އެހީތެރިކަމަށް ވެސް އެދިފަ އެވެ.
އެގޮތުން މިދިޔަ މަހުގެ 22 ވަނަ ދުވަހުގެ ބުރާސްފަތި ދުވަހުގެ ހެނދުނު 9:00 އާއި 12:00 އާ ދެމެދު ރަސްފަންނު ސަރަހައްދުގައި ހަރަކާތްތެރިވެފައިވާ ފަރާތްތަކާއި މަރުގެ އެ ހާދިސާއާ ގުޅޭ އެއްވެސް މައުލޫމާތެއް އެނގޭ މީހަކު ހުރިނަމަ ހިއްސާކުރަން އެދިފައިވެ އެވެ.
