ފުލުހުން ބުނީ މިހާތަނަށް ބެލި ބެލުމުން، އެރަށުގައި ހަމަނުޖެހިން ހިނގާފައިވަނީ، ކޮވިޑް-19 އާއި ގުޅިގެން އެރަށުގައި އަޅާފައިވާ ރައްކާތެރިކަމުގެ ފިޔަވަޅުތައް ދެމެހެއްޓުމުގައި މެނޭޖްމެންޓުގެ ފަރާތުން، ވަކި އުސޫލުތަކެއްގެ ދަށުން ކަންކަން ކުރުމަށް މުވައްޒަފުންނަށް އަންގާފައި ވާތީ އެކަންކަމާއިމެދު ހިތްހަމަ ނުޖެހިގެންކަން، އެނގިފައިވާ ކަމަށެވެ.
އަދި މި ހަމަނުޖެހުންތަކުގައި އެއްވެސް މީހަކަށް ސީރިއަސް އަނިޔާއެއް ލިބިފައި ނުވާކަމަށާއި، މިމައްސަލަ މިހާރު އިތުރަށް ތަހުގީގު ކުރަމުންދާކަމަށްވެސް ފުލުހުން ވަނީ ބުނެފައެވެ.
ރަށްފަޅު ހުރާއަކީ ރިސޯޓެއްގެ ގޮތުގައި ތަރައްގީ ކުރަމުން އަންނަ ރަށެކެެވެ. އެރަށުގައި ސައްކަތްކުރާ ހަތަރު ބިދޭސީ މަސައްކަތްތެރިންގެ މެދުގައި ހަމަނުޖެހުމެއް ހިނގާފައިވާކަމުގެ މައުލޫމާތު ލިބިގެން ފުލުހުން ހަރަކާތްތެރިވާން ފަށާފައިވަނީ މިއަދު މެންދުރު 13:20 ހައިރުއެވެ.
ރައްފަޅުހުރާ އަކީ ކޮވިޑްގެ ގިނަ ކޭސްތަކެއް ވެސް ފެނިފައިވާ ރަށެކެވެ.
