މާޒިޔާގެ އަހްމަދު އަބްދުﷲ--
މާޒިޔާއިން ބޮޑު ތަފާތަކުން ގްރީން ބަލިކޮށްފި
އަހުމަދު ހަސަން
20 ޑިސެމްބަރ 2020 - 08:38:34
ދިވެހި ޕްރިމިއާ ލީގުގައި ޑިފެންޑިން ޗެމްޕިއަން މާޒިޔާއިން، ބޮޑު ތަފާތަކުން ގްރީން ސްޓްރީޓްސް ބަލިކޮށްފިއެވެ. މާޒިޔާއިން ގްރީން ބަލިކުރީ ހަތް ލަނޑު އެއް ލަނޑުންނެވެ.
Advertisement
މާޒިޔާގެ ފުރަތަމަ ލަނޑު އެ ޓީމަށް ކާމިޔާބުކޮށްދިނީ ނާއިޒު ހަސަން (ދާދު) އެވެ. މެޗުގެ މޮޅު ކުޅުންތެރިއަކަށް ހޮވުނީވެސް ދާދުއެވެ. ފަހުން ކެޕްޓަން އަސަދުﷲ ޢަބްދުﷲ ދެ ލަނޑު، އަދި އިބްރާހިމް އައިސަމް، މުހައްމަދު އިރުފާނު، ކޯނޭ އަދި ހަމްޕު މިއިން ކޮންމެ ކުޅުންތެރިއެއް ލަނޑެއް ޖެހިއެވެ.
މާޒިޔާއިން ވަނީ ލީގުގައި ކުޅުނު ފުރަތަމަ މެޗުވެސް ބޮޑު ތަފާތަކުން ކާމިޔާބުކޮށްފައެވެ. ފުރަތަމަ މެޗު މާޒިޔާއިން ކާމިޔާބު ކުރީ ޔޫވީއާ ދެކޮޅަށް ކުޅެ ހަތަރު ލަނޑު ސުން ލަނޑުންނެވެ. މާޒިޔާ ދެން ކުޅޭ މެޗުގައި ނުކުންނާނީ ކްލަބު ވެލެންސިއާއާ ދެކޮޅަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
