ލީޑުންގެ ގޮތުގައި އަސަދް އެހްމަދް ހާން ގެ ރޯލުން ކަރަން ސިންގް ގުރޯވާ އަދި ޒޯޔާ އެހްމަދް ހާންގެ ރޯލުން ސުރްބީ ޖޯތި ފެނިގެން ދިޔަ މި ސީރީޒްގެ ދެވަނަ ބައެއް ޒީއަށް އަލުން އަންނަކަން ހާމަވެގެން ދިޔައީ ސުރްބީގެ އިންސްޓްގްރާމްގައި ހިއްސާކުރުމުންނެވެ.
އެގޮތުން ސުރްބީ ވަނީ ސީރީޒްގެ ޝޫޓިން ސާބިޔާގައި ފަށާފައިވާއިރު، ޝޫޓިންގެ މަސައްކަތް ކުރިއަށްދާ ގޮތް އިންސްޓަގްރާމް މެދުވެރިކޮށް ފޭނުންނާއި ހިއްސާކޮށްފައެވެ. އަދި ވަރަށް ފަހުން ވަނީ ކަރަން އާއި އެކު ސުރްބީ ފެނިގެންދާ މި ސީރީޒްގެ ޕޯސްޓަރެއްގެ ފޮޓޯވެސް އޭނާގެ އިންސްޓަގްރާމްގައި ހިއްސާކޮށްފައެވެ.
މި ސީރީޒް މިފަހަރު ދެއްކުމަށް ހަމަޖައްސާފައިވަނީ ޒީ5 ޗެނަލް އިންނެވެ. އަދި މި ސީރީޒް ފަށާ ވަކި ތާރީހެއް އިއުލާނުކޮށްފައި ނުވީ ނަމަވެސް، މި އަހަރު ތެރޭމި ސީރީޒް ޒީ5 ޗެނަލް އިން ދައްކަން ފަށާނެ ކަމަށް ސުރްބީގެ އިންސްޓަގްރާމްގައި ބުނެފައިވެއެވެ.
ސުރްބީގެ އިންސްޓަގްރާމް ޕޯސްޓުތަކާއެކު، ގުބޫލްހޭ 2.0 ވެފައި މިވަނީ ގިނަ ބަޔަކު އެ ޑްރާމާ ސީރީޒްއަކަށް އިންތިޒާރު ކުރަމުން އަންނަ ސީރީޒްއަކަށެވެ.
