ށ. އަތޮޅުގައި އޮންނަ ގުނާފަރު ފިނޮޅުން ބަޔަކު ވެލި ނަގަމުންދަނިކޮށް ފުލުހުން އެ ސަރަހައްދަށް ގޮސް އެކަން ހުއްޓުވައިފި އެވެ.

ފުލުހުން ބުނީ އެ އަތޮޅު ކަނޑިތީމު ކައުންސިލަށް ގުނާފަރު ފިނޮޅުން ވެލި ނަގަމުން އަންނަ ކަމުގެ މައުލޫމާތު ލިބި، އެކަން ވަނީ ފުލުހުންގެ ސަމާލުކަމަށް ގެނެސްފައި ކަމަށެވެ. އަދި ފުލުހުން އެ ސަރަހައްދަށް ގޮސް ވެލި ނަގަމުންދިޔަ މީހުން ހުއްޓުވައި ގޯނިތަކަށް އަޅާފައިވާ ވެލިތައް ވެސް ހުސްކޮށްފައިވާ ކަމަށް ފުލުހުން ބުނެ އެވެ.

ފުލުހުން އިތުރަށް ބުނީ އެމީހުން އެ ސަރަހައްދުން މިހާރު ފޮނުވާލާފައިވާ ކަމަށެވެ. މިކަމާ ގުޅިގެން މީހަކު ހައްޔަރު ކުރި ކަމަކަށް ފުލުހުން ބުނެފައެއް ނުވެ އެވެ.

Sh.Gunaafaru Finolhun bayaku veli nagaa kamuge mauloomaathu Kanditheemu Council in fuluhunah dhinumaa gulhigen fuluhun e'sarahahdhah gos, emeehun huttuvai adhi goani thakah alhaafaivaa velithah goanithakun huskoh e'meehun e'sarahahdhun vany fonuvaalaafai #KanditheemuPolice pic.twitter.com/FafauJDn3W

— Maldives Police (@PoliceMv) November 12, 2019

ފުލުހުން އާންމުކޮށްފައިވާ ފޮޓޯއިން ފެންނަ ގޮތުގައި ގިނަ އަދަދެއްގެ ބަސްތާއަށް ވެލި އެޅުމަށްފަހު އެތަކެތި ހުރީ ދޯންޏަށް ވެސް އަރުވާފަ އެވެ. އެކަން ކުރި މީހުން ފުލުހުން ހާމައެއް ނުކުރެ އެވެ.

ކުރިން ގޯތިތައް ހެދުމަށް ވެސް ރަށްރަށުގެ ގޮނޑު ދޮށުން ވެލި ނެގުމަކީ އާންމު ކަމެއް ނަމަވެސް އެކަމުގެ ސަބަބުން ރަށްގިރުމުގެ ނުރައްކާ ކުރިމަތިވާތީ މިހާރު ވެލިނެގެނީ އެކަމަށް އެދި ހާއްސަ ހުއްދައެއް ހޯދައިގެންނެވެ.