އެ މައްސަލައާ ގުޅޭގޮތުން ސިއެންއެމްއަށް މައުލޫމާތުދެމުން ފޮރިން މިނިސްޓަރީން ބުނީ އިންޑިއާގެ ބޯޑަރުތައް ވަނީ ކޮވިޑް-19 ގެ ސަބަބުން ބަންދުކުރެވިފައި ކަމަށެވެ. އެހެން ނަމަވެސް ޒަރޫރީ ބޭނުން ތަކަށް އިންޑިއާއަށް ދާންޖެހޭ ފަރާތްތަކަށް ހާއްސަ ވިސާއެއް ދޫކުރަމުން ދާ ކަމަށެވެ.
އޭގެ އިތުރުން ފޮރިން މިނިސްޓަރީން މައުލޫމާތު ދޭގޮތުގައި ވިސާ ހޯދަން ގިނަ ފަރާތްތަކެއް މަސައްކަތް ކުރަމުން ދެއެވެ. އެހެންކަމުން އިންޑިއާއަށް ދާން ވިސާ ހޯދުމަށް އިންޑިއާ ހައި ކޮމިޝަން ދޮށުގައި ގިނަ ބަޔަކު ކިޔު ހަދައިގެން ތިބޭ މައްސަލައަށް ހައްލެއް ހޯދައި ދިނުމުގެ ގޮތުން އިންޑިއާ ހައި ކޮމިޝަނާ ފޮރިން މިނިސްޓަރައީން ދަނީ މަޝްވަރާތައް ކުރަމުން ކަމަށް ވެސް އެ މިނިސްޓަރީން ބުނެ އެވެ.
އިންޑިއާ ހައި ކޮމިޝަން ދޮށުގައި ވިސާ ހޯދުމަށް ކިޔުގައި ކާފިއު ގަޑީގައި ތިބޭ މައްސަލަ ފެންމަތިވެފައިވާއިރު އެ މައްސަލަ ދިމާވީ ކޮވިޑް-19 ގެ ހާލަތާއި ގުޅިގެން އަޅާފައިވާ ފިޔަވަޅުތަކާ ގުޅިގެންނެވެ.
