މިއަދު އާންމުންގެ ތެރެއަށް ސިފައިން ބަޑިޖެހުމުން ބަޔަކު ވަނީ މަރުވެފައެވެ.
މިހާތަނަށް މަރުވި މީހުންގެ އަދަދަކީ ހަތަރެއް ނަމަވެސް، އަދިވެސް އެ އަދަދު އިތުރުވުން އެކަށީގެންވާ ކަމަށް މީޑިއާ އިރޯޓުތައް ބުނެއެވެ.
ވަރަށް ގިނަ ބަޔަކު ވަނީ ބަޑި ޖެހުމުގެ ސަބަބުން ޒަހަމްވެ ވެސް ވެފައެެވެ. ބައެއް މީހުން ހޮސްޕިޓަލްތަކަށް ގެންދާ މަންޒަރުވެސް މީޑިއާތަކުން އަންނަނީ ދައްކަމުންނެވެ.
ބަޑިޖެހުމުގެ ސަބަބުން މީހަކު ޒަހަމްވެފަ:-
އެގައުމުގައި މުޒާހަރާކުރާތާ ދެ ހަފްތާވެފައިވާއިރު، މިއަދަކީ ސިފައިންގެ ފަރާތުން އެންމެ އަނިޔާވެރިކަން ބޮޑުވި ދުވަސްކަމަށްވެސް އެ މުޒާހަރާތައް މޮނީޓާކުރާ ބައިނަލްއަގުވާނީ އިންސާނީ ހައްގުތަކާއި ގުޅޭ ޖަމިއްޔާތަކުން ބުނެއެވެ.
ފޮޓޯ އަލްޖަޒީރާ
މިޔަންމާގެ ސިފައިން އަންނަނީ މުޒާހަރާގެ ތެރެއަށް ކަރުނަގޭހާއި، ސްޓަން ގްރެނޭޑް ވެސް ޖަހަމުންނެވެ.
ބައެއް ސަރަހައްދުތަކުގައި އެއްވެ ތިބި މީހުންގެ ގަޔަށް ބަޑި ޖެހިނަމަވެސް، އަނެއްބައި ސަރަހައްދުތަކުގައި ވައިގެ ތެރެއަށް ލައިވް ވަޒަން އަންނަނީ ބަޑި ޖަހަމުންނެވެ.
މިޔަންމާގެ ލީޑަރު އަންގް ސަން ސޫ ކީ އާއި އެހެން ވެރިން ހައްޔަރު ކުރުމަށް ފަހު ހިންގި ބަގާވާތެއްގައި އަސްކަރިއްޔާއިން ވެރިކަމުގެ ބާރުތައް އަތުލައިފައިވަނީ ފެބުރުއަރީ މަހުގެ 10 ވަނަ ދުވަހުއެވެ.
ފޮޓޯ ސީއެންއެން
މިޔަންމާގައި އެންމެ ފަހުން ބޭއްވި އިންތިހާބަށް ފަހު އަސްކަރިއްޔާ އާއި ސަރުކާރާ ދެމެދު އޮތީ ނުތަނަވަސްކަން އުފެދިފަ އެވެ.
----
ބަރުމާގެ ނަމުން ވެސް މަޝްހޫރު މިޔަންމާގައި 2011 ވަނަ އަހަރާ ހަމައަށް އޮތީ އަސްކަރީ ވެރިކަމެވެ. 2011 އަށް ފަހު އެ ގައުމަށް ޑިމޮކްރެޓިކް ބަދަލުތައް ގެންނަން ފެށި އެވެ.
