ވެލާ ޕްރައިވެޓް އައިލެންޑް--
ވެލާއިން ސާވިސް ޗާޖުގެ ގޮތުގައި ކޮންމެ މުވައްޒަފަކަށް 47،108 ރުފިޔާ
މާއިދާ މުހައްމަދު ރަޝާދު
05 މާރޗް 2021 - 14:24:20
މިދިޔަ ފެބްރުއަރީ މަހުގެ ތެރޭގައި ވެލާ ޕްރައިވެޓް އައިލެންޑުން ސާވިސް ޗާޖުގެ ގޮތުގައި ކޮންމެ މުވައްޒަފަކަށް 3،055 ޑޮލަރު ދީފި އެވެ.
Advertisement
ރިސޯޓުތަކުން ސާވިސް ޗާޖުގެ ގޮތުގައި ދެމުން އަންނަ އަދަދު އާއްމުކުރާ ރިސޯޓް ވޯކާސް ޕޭޖުގައިވާ ގޮތުން ކޮންމެ މުވައްޒަފަކަށް 3،055 ޑޮލަރު ނުވަތަ ގާތްގަނޑަކަށް 47,108 މިދިޔަ މަހު ވެލާއިން ދީފައިވާއިރު ޖެނުއަރީ މަހުގެ ތެރޭގައި ވަނީ 4079.10 ޑޮލަރު ސާވިސް ޗާޖުގެ ގޮތުގައި ދީފަ އެވެ.
ވެލާއަކީ ރާއްޖޭގެ އެންމެ ފެންވަރު ރަނގަޅު އެއް ރިސޯޓެވެ.
ވެލާއަށް ފަހު، މިދިޔަ މަހު އެންމެ ބޮޑު ސާވިސް ޗާޖެއް ދީފައި ވަނީ ސޮނެވާ ޖާނީ އާއި ސޮނެވާ ފުއްޓެވެ. މިތަންތަނުން މުވައްޒަފުންނަށް ސާވިސް ޗާޖުގެ ގޮތުގައި 1،555 ޑޮލަރު ވަނީ ދީފަ އެވެ.
ދެން އެ ލިސްޓުގައި ފޯ ސީޒަންސްގެ ރިސޯޓުތައް އޮތްއިރު އެތަނުން ވަނީ 1531 ޑޮލަރު ކޮންމެ މުވައްޒަފަކަށް ދީފަ އެވެ.
ސާވިސް ޗާޖު ބެހުމަށް މިހާރު ގާނޫން ލާޒިމްކޮށްފައިވާއިރު ސާވިސް ޗާޖުގެ ގޮތުގައި ނަގަމުން އަންނަނީ ދިހަ ޕަސެންޓެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
