އިލިއާނާ މިހެންބުނެފައިވަނީ އޭނާގެ ހަށިގަނޑާ މެދު ހުރި “އިންސެކިއުރިޓީސް” އާ ގުޅޭ ގޮތުން ވާހަކަ ދައްކަމުންނެވެ. އިލިއާނާ ބުނީ އޭނާ ހުންނަ ގޮތާމެދު ކުރިން އަބަދުވެސް އޭނާގެ ހިތުގަ ހިތްހަމަ ނުޖެހުމެއް އޮންނަ ކަމަށެވެ.
އިލިއާނާ ބުނީ ވަރަށް ފަހަކާ ޖެހެންދެން އޭނާގެ ވިސްނުން އެހެން ހުރި ނަމަވެސް މިހާރު އޭނާ އަމިއްލަ ދެކޭގޮތް މަޑުމަޑުން ބަދަލުން ކުރަމުން އަންނަ ކަމަށެވެ. މިހާރު ބަލަނީ ގޯސްކަންތަކަށް ވުރެ ބޮޑަށް ރަނގަޅު ކަންތަކަށް ކަމަށް އިލިއާނާ ބުނެއެވެ.
އިލިއާނާ އަކީ “ބޮޑީ ޑިސްމޯފިކް ޑިސްއޯޑާ” ހުންނަ މީހެކެވެ. އޭގެ ސަބަބުން މީހާ ކޮންމެ ގޮތަކަށް ކިތަންމެ ފުރިހަމަކޮށް ހުއްޓަސް އަމިއްލަ ހަށިގަނޑާ ދޭތެރޭ ހިތުގަ ހިތްހަމަ ނުޖެހުމެއް ނުވަތަ ޝައްކެއް ހުރެއެވެ.
އުމުރުން 34 އަހަރުގެ އިލިއާނާ ބުނީ އެއްވެސް މީހަކީ ފުރިހަމަ މީހެއް ނޫންކަން އޭނާ އަށް އިހުސާސް ކުރެވުނު ހިސާބުން އޭނާ އަށް އޭނާ ހުންނަގޮތާ މެދު ދެކެމުން އައި ގޮތް ބަދަލުވި ކަމަށެވެ.
އިލިއާނާގެ ދެން އެންމެ އަވަހަށް ފެނިގެން ދާނީ ފިލްމު އަންފެއާ އެން ލަވްލީ އިން ރަންދީޕް ހޫދާ އެކު އެވެ.
