މިއީ އެ ވެކްސިން ސަސްޕެންޑު ކުރި 4 ވަނަ ގައުމެވެ. މީގެ ކުރިން ޑެންމާކް، ނޯވޭ އަދި އައިސް ލޭންޑުން ވަނީ މި ވެކްސިން އެ ގައުމުތަކުގައި ބޭނުން ނުކުރެވޭނެހެން ސަސްޕެންޑުކޮށްފަ އެވެ.
އިޓަލީން ވެކްސިން ސަސްޕެންޑު ކުރީ ވެކްސިން ޖެހުމަށްފަހު އެ ގައުމުގެ ރައްޔިތެއް މަރުވުމުގެ ސަބަބުންނެވެ. މީގެ އިތުރަށް ގައުމުތަކުން ވެކްސިން ސަސްޕެންޑު ކުރީ ސަބަބުތަކުގެ ތެރޭގައި ވެކްސިން ޖެހުމަށްފަހު ބައެއް މީހުންގެ ލޭގެ ނާރުތައް ބެދޭ ފަދަ ކަންކަން ދިމާވެފައިވާތީ ކަމަށް ވެއެވެ.
މިގޮތުން އެންމެ ފުރަތަމަ މިކަން އިއުލަނު ކުރީ ޑެންމާކުންނެވެ. އެގޮތުން ލޭ ނާރު ބެދުމުގެ "ސީރިއަސް މައްސަލަތަކެއް" ދިމާވާކަަމަށް ބުނެފައިވެ އެވެ.
މިހާތަނަށް ޖުމްލަ 22 މީހަކަށް އެ މައްސަލަ ޔޫރަޕުން ދިމާވެގެން ރިޕޯޓު ކޮށްފައިވެ އެވެ.
މީގެ އިތުރުން ވެސް ޔޫރަޕުގެ ބައެއް ގައުމުތަކުން އަންނަނީ އެ ވެކްސިން ސަސްޕެންޑު ކުރުމަށް ވާހަކަ ދައްކަމުންނެވެ.
