އެކަމާ ގުޅޭގޮތުން ކަރަން އާ ކުރިމަތިވި ސުވާލަށް އޭނާ ޖަވާބު ދެމުން ބުނެފަ ވަނީ އަދި ދަރިއަކު ހޯދަން އެ ދެމަފިރިން ނުވިސްނާ ކަމަށެވެ. އެއީ އަދި އެމީހުންގެ ހަޔާތުގައި ހާސިލް ކުރަން ބޭނުންވާ އެހެން ލަނޑުދަނޑިތަކެއް ހުރުމުން ކަމަށް ކަރަން ވަނީ ހާމަކޮށްފަ އެވެ.
އެހެން ނަމަވެސް ކޮންމެވެސް ދުވަހަކުން އޭނާ ބައްޕައަކަށް ވާން ބޭނުންވާ ކަމަށާއި އެއީ އޭނާ ދެކޭ ހުވަފެނެއް ކަމަށް ކަރަން ބުންޏެވެ.
އޭނާ އުންމީދު ކުރާވަރަށްވުރެ އަވަހަށް ކުއްޖަކު ލިބުނަސް އޭނާ ވަރަށް އުފާ ވާނެ ކަމަށް ވެސް ކަރަން ވަނީ ހާމަކޮށްފަ އެވެ.
ބިޕާޝާ އެކު އޭނާ އުޅެނީ ވަރަށް ލޯބިން ކަމަށާއި އެމީހުންގެ ދިރިއުޅުން ވަރަށް އުފާވެރިކަމަށް ވެސް ކަރަން ވަނީ ބުނެފަ އެވެ.
ބިޕާޝާ ބާސޫ އަދި ކަރަން ސިން ގްރޯވާ ވަނީ ކަރަންގެ އުފަން ދުވަސް ފާހަގަކުރުމަށް ފެބްރުއަރީގައި ރާއްޖެއަށް ވެސް ޒިޔާރަށްކޮށްފަ އެވެ.
