ހީނާ އެންމެ ފަހުން ރާއްޖެ އައިސްފައި ވަނީ މިދިޔަ އަހަރުގެ ނޮވެންބަރު މަހުގެ 30 ވަނަ ދުވަހު ގައެވެ. އެފަހަރުވެސް ކުރަމަތި އައިލެންޑް ރިސޯޓު ގައި ޗުއްޓީ ހޭދަކުރުމަށް ފަހު އިންޑިއާއަށް ދިއުމަށް ފަހު އަނެއްކާވެސް މިމަހުގެ 17 ވަނަ ދުވަހު އޭނާ ވަނީ ރާއްޖެއަށް އައިސްފައެވެ.
ރާއްޖޭގައި ޗުއްޓީ ހޭދަކޮށްލުމަށް ހީނާ އައިސްފައި ވަނީ އޭނާގެ ލޯބިވެރިޔާ ރޮކީ ޖެއިސްވާލް އާ އޭނާގެ އާއިލާއާ އެކުގަ އެވެ.
ހީނާ ބުނީ ރާއްޖެއަކީ އޭނާގެ “ހެޕީ ޕްލޭސް” ކަމަށެވެ. ކޮންމެ ފަހަަރަކުވެސް ރާއްޖެ އައުމަށް ފަހު ހީނާ ފެންނަނީ ފޮޓޯ ނެގުމުގައި އުޅޭތަނެވެ. ރާއްޖެއަށް ކުރާ ދަތުރުތަކުގައި ރާއްޖޭގެ ހިތްގައިމު މާހައުލުން އޭނާ ނަގާ ފޮޓޯތައް ސޯޝަލް މީޑިއާއަށް ދޫކޮށްލާއިރަށް އެތައް ބައެއްގެ ސަމާލުކަން އެ ޕޯސްޓްތަކަށް ލިބެއެވެ.
ހީނާ ހާން ނަގާފައިވާ ބައެއް ފޮޓޯތަށް
މިފަހަރުވެސް ރާއްޖެ އައުމާ އެކު ފޮޓޯ ނެގުން ނޫން ކަމެއް އޭނާ ނުކުރެއެވެ. އޭނާގެ އިންސްޓަގްރާމް ފީޑްވެސް ފުރިފައިވަނީ ރާއްޖޭގެ މާހައުލުން ނަގާފައިވާ އޭނާގެ “ހޮޓް” ފޮޓޯތަކުންނެވެ. ބައެއް މީހުން ސިފަކުރާ ގޮތުން އޭނާ ރާއްޖެ އަންނަނީ ހަމައެކަނި ފޮޓޯ ނަގާށެވެ.
ފޮޓޯ: އިންސްޓާ
މީގެ އިތުރުން ހީނާ ވަނީ އޭނާ ރެދަން ބަލަން އުޅޭ މަންޒަރުވެސް އިންސްޓަގްރާމަށް ހިއްސާކޮށްފަ އެވެ. އަދި އެކި ކެޔުންތައް ކާ މަންޒަރު ވެސް ފެނެ އެވެ. އެ އެއްޗިހީގެ މީރު ވާހަކަ އޭނާ ވަނީ ހިއްސާކޮށްފަ އެވެ.
ހީނާ އެންމެ ފަހުން ފެނިގެން ދިޔައީ ކަސޯޓީ ޒިންދަގީ ކޭގެ ދެވަނަ ބައިން ކޮމޮލިކާގެ ރޯލުންނެވެ. އެކަމަކު ބޮލީވުޑުގައި މަސައްކަތް ކުރަން އެ ޝޯ، އޭނާ ދޫކޮށްލިއިރު އޭނާގެ ފުރަތަމަ ފިލްމު، "ހެކްޑް" މިހާރު ވަނީ ރިލީޒްކޮށްފަ އެވެ.
