ސީއެންއެމް އަށް މައުލޫމާތު ދެމުން މަހިބަދޫ ކައުންސިލްގެ ނައިބު ރައީސް ގާޒިމް ސިހާނު ވިދާޅުވީ އެރަށް މޮނީޓަރިންގެ ހާލަތަށް ގެނެސްފައިވަނީ މިއަދު 11:25ގައި ކަމަށެވެ.
މީގެ އިތުރުން ރަށް މޮނީޓަރިންގެ ހާލަތަށް ގެނެސްފައިވަނީ އެއަތޮޅު މާމިގިލީގައި ޕޮޒިޓިވްވި ކޭސްއާއި ގުޅިގެން ނޫން ކަމަށް ސިހާނު ފާހަގަ ކުރެއްވި އެވެ.
އެގޮތުން މަހިބަދޫ މޮނީޓަރިންގެ ހާލަތަށް ގެނެސްފައިވަނީ ރަށުގައި ދިރިއުޅޭ މީހަކު މާލެ ދިޔަފަހުން އޭނާ ކޮވިޑަށް ޕޮޒިޓިވްވެ، ކޮންޓެކްޓް ޓްރޭސިންގެ މަސައްކަތް ކުރިއަށް ގެންދިއުމަށް ކަމަށް ސިހާނު ވިދާޅުވިއެވެ.
ސިހާނު ވިދާޅުވީ މިހާރު ރަށުގައި ކޮންޓެކްޓް ޓްރޭސިންގެ މަސައްކަތާއި ރޭންޑަމް ސާމްޕަލް ނެގުމުގެ މަސައްކަތް ކުރަމުން އަންނަ ކަމަށެވެ.
މިއަދު ހެނދުނު އެއަތޮޅު މާމިގިލި މޮނީޓަރިންގެ ހާލަތަށް ގެނެސްފައިވަނީ އެރަށުން މީހަކު ކޮވިޑަށް ޕޮޒިޓިވްވުމާއި ގުޅިގެންނެވެ.
