މަލީހު މިހެން ވިދާޅުވީ، މިރޯދަ އަށްވެސް ކިންގް ސަލްމާން މިސްކިތް ނުހުޅުވޭނެ ކަމަށް އިސްލާމިކް މިނިސްޓަރު ޑރ.އަހުމަދު ޒާހިރު އަލީ ވިދާޅުވުމާ ގުޅިގެންނެވެ.
މަލީހުގެ އިތުރުން ވެސް ޝޭހު އަލީ ޒައިދު ވެސް ވަނީ ރޯދަ މަހަށް ސަލްމާން މިސްކިތް ނުހުޅުވޭނެކަމަށް އިސްލާމިކް މިނިސްޓްރީން ބުނުމުން ކަންބޮޑުވުން ފާޅުކުރައްވާފައެވެ.
ސައުދީގެ ހިލޭ އެހީގެ ދަށުން އަޅާފައިވާ ކިންގް ސަލްމާން މިސްކިތް ހުޅުވަން ކުރިން ނިންމާފައިވަނީ މިދިޔަ އަހަރުގެ މާޗް މަހުއެވެ.
ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހު--
ނަމަވެސް އެކަން ލަސްވެފައިވަނީ ކޮވިޑްގެ ބަލިމަޑުކަމާއި ގުޅިގެން ކަމަށް އޭރު ރައީސް ސޯލިހު ވަނީ ވިދާޅުވެފައެވެ.
ކިންގް ސަލްމާން މިސްކިތް ނުރަސްމީކޮށް ހުޅުވަން މަޝްވަރާ ކުރާ ކަމަށް މީގެ ކުރިން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވަނީ ވިދާޅުވެފައެވެ.
މީގެ ކުރިން ޕްލޭނިންގް މިނިސްޓްރީން ވެސް ވަނީ ކިންގް ސަލްމާން މިސްކިތް ހުޅުން ލަސްވެފައި ވަނީ ސައުދީ ވަފުދަށް ރާއްޖެ ނާދެވިގެން ކަމަށް ބުނެފައެވެ.
މިސްކިތުގައި އަރާފޭބުމަށް ލިފުޓު ހަރުކޮށްފައިވާއިރު އެއްފަހަރާ 10،000 މީހުންނަށް ނަމާދުކުރެވޭނެއެވެ. ލައިބްރަރީއަކާއި ކްލާސްރޫމްތަކުގެ އިތުރުން ސެމިނާ ރޫމްތައް ވެސް މި މިސްކިތުގައި ހުންނާނެއެވެ.
އާޓިފިޝަލް ބީޗްގެ އުތުރަށް އޮންނަ ބިމުގައި ސައުދީ ސަރުކާރުގެ ހިލޭ އެހީގެ ދަށުން ތަރައްގީ ކޮށްފައިވާ މި މިސްކިތުގެ އަގު 24.95 މިލިޔަން ޑޮލަރަށް އަރައެވެ.
