ރާއްޖެޓީވީ ޕްރޮގްރާމެއްގައި ވާހަކަދައްކަވަމުން ސްޓޭޓް މިނިސްޓަރު އަލީ ސޯލިހް ވަނީ އިންޓަނެޓްގެ އަގު ރައްޔިތުންގެ އަތްފޯރާ ހިސާބަށް ތިރިކުރެވި އިންޓަނެޓު އަގުހެޔޮކުރުމަށް ސަރުކާރުންވީ ވައުދުވެސް ފުއްދިފައިވާ ކަަމަށް ވިދާޅުވެފައެވެ.
އެހެން ވިދާޅުވާ ސަބަބެއް ސާފުކޮށްދެއްވަމުން އަލީ ސޯލިހް ވިދާޅުވީ، މި ރޯދަމަސް ފެށުމުގެ ކުރިންވެސް މިހާތަނަށް ޖީބީއެއް ލިބެންހުރީ 33 ރުފިޔާއަށް ކަމަށާއި މިހާރު އެއަގު ބޮޑުތަނުން ދަށްކުރެވިފައިވާ ކަަމަށެވެ. އެގޮތުން ކުރިން 1000 ރުފިޔާއަށް 30 ޖީބީ ލިބެމުންދިޔަ ނަމަވެސް މިހާރު 1000 ރުފިޔާއަށް 180 ޖީބީ ލިބޭކަމަށް އަލީ ސޯލިހް ވިދާޅުވިއެވެ.
މީގެ އިތުރުން އަލީ ސޯ؛ލިހް ވަނީ ކޮވިޑް-19ގެ މި ހާލަތުގައިވެސް ސަބްމެރިން ކޭބަލް ގެނެވުނު ހަމައެކަނި ތަނަކީ މުޅި ދުނިޔެއިންވެސް ރާއްޖެކަމަށެވެ. ސަބްމެރިން ކޭބަލެއް ކޮލޮމްބޯއިން ދިރާގާއި އޫރިދޫ ގުޅިގެން ރާއްޖެއަށް ކޮވިޑްގެ މިހާލަތުގައިވެސް ގެނެސްފައިވާނެ ކަމަށާއި އިންޓަނެޓް އަގުތައް ހެޔޮވުމާއި މިކަންކަމުގެ ނަތީޖާއަކީ އެ ސަބްމެރިން ކޭބަލް ކަމަށް އަލި ސޯލިހް ވިދާޅުވިއެވެ.
