ޝަރީފް ސީއެންއެމް އަށް ވިދާޅުވީ މިއަދު ކުރިއަށް ގެންދިޔަ އިންތިހާބުގެ ދެވަނަ ބުރުގައިވެސް މަގުދޫ ފޮއްޓަށް ވާދަކުރާ ދެ ކެންޑިޑޭޓުން އެއްވަރުވެފައިވާ ކަމަށް ނަތީޖާ ޝީޓުން ދައްކާ ކަމަށެވެ.
މަގޫދޫގައި ތިންވަނަ ބުރެއް ބާއްވަން ޖެހުމުން އެ ބުރުގެ ވޯޓް ނެގުން ޖޫން ފަހެއްގައި ބޭއްވުމަށް މާދަމާ އީސީގެ ކޮމެޓީ ބައްދަލުވުމެއްގައި މަޝްވަރާކޮށް ގޮތެއް ނިންމާނެ ކަމަށްވެސް ޝަރީފް ވިދާޅުވި އެވެ.
މިއަދު ކުރިއަށް ގެންގޮސްފައިވާ އިންތިހާބުގެ ދެވަނަ ބުރުގައި މަގޫދޫގައި ބެހެއްޓި ފޮށިން ޕީޕީއެމްގެ ކެންޑިޑޭޓް މާޖިދާ ހަސަނަށް ލިބިފައިވަނީ 87 ވޯޓެވެ. އަދި އެމްޑީޕީގެ ކެންޑިޑޭޓް ސައީދާ ހާރޫނަށް ލިބިފައިވަނީ 69 ވޯޓެވެ. މާލޭގައި ދިރިއުޅޭ މަގޫދޫ މީހުންނަށް އިސްކަންދަރު ސުކޫލުގައި ބެހެއްޓި ވޯޓް ފޮށިން މާޖިދާއަށް ލިބިފައިވަނީ 8 ވޯޓެވެ. ސައީދާއަށް 26 ވޯޓް ލިބިފައިވާއިރު ދެ ކެންޑިޑޭޓުންނަށް ޖުމްލަ ލިބިފައިވަނީ 95 ވޯޓެވެ. މި ފޮށިން އެއް ވޯޓް ބާތިލު ވޯޓްގެ ގޮތުގައި ގުނާފައިވެއެވެ.
މި މަހުގެ 10 ވަނަ ދުވަހު ބޭއްވި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބުގެ ބަައި އިލެކްޝަން އަންނަ ޖޫން މަހުގެ ފަސްވަނަ ދުވަހު ބާއްވަން އިލެކްޝަންސް ކޮމިޝަނުން ވަނީ މިހާރު ނިންމާފައެވެ
