ފަލަސްޠީނަށް އެމަޖެންސީ އެހީ ފޯރުކޮށްދިނުމަށް އިންޓަނޭޝަނަލް އެއިޑް ކެމްޕެއިންއިން ކުރިއަށް ގެންދާ " ލޯތްބާއިއެކު 2021" ގެ ތެރެއިން ހުޅުވާލި ފުރުސަތުގައި ގިނަ އަަދަދެއްގެ ދިވެހީން ދަނީ އެހީތެރިކަން ފޯރުކޮށްދެމުންނެވެ.
އެގޮތުން އިއްޔެ ވަނީ 500 އާއިލާއަކަށް ބޭނުންވާނެ ކާބޯތަކެއްޗާއި ފެން ފޯރުކޮށްދެވިފަ ކަމަށް އައިއޭސީން ބުނެއެވެ.
ގަޒާގެ އާއިލާތަކަށް ފެނާއި ކާބޯތަކެތި ހަދިޔާ ކުރަނީ
އަދި ގާޒާގެ ހޮސްޕިޓަލުތަކަށް ބޭނުންވާނެ އެންމެ މުހިންމު މެޑިކަލް އެކިޔުޕްމެންޓުވެސް މިއަދު ވަނީ އެ ކެމްޕެއިންގެ ތެރެއިން ފޯރުކޮށްދީފައެވެ.
އިންޓަނޭޝަނަލް އެއިޑް ކެމްޕެއިނުން ދަނީ ހުރިހާ ދިވެހިން ބައިވެރިވެގެން ފަލަސްތީނަށް އެހީވުމަށް ގިނަ މަސައްކަތްތަކެއް ކުރަމުންނެވެ.
އަދި އެ މަސައްކަތްތަކަށް ދިވެހިންގެ ފަރާތުން ލިބެމުންދާ ބޮޑު ތަރުހީބާއިއެކު، މިހާރު ކުރިއަށް ދާ "ލޯތްބާއިއެކު 2021" ކެމްޕެއިންގެ މުއްދަތު އަންނަ ޖޫން މަހުގެ ފަހެއްގެ ނިޔަލަށް އިތުރުކުރަން ނިންމާފައިވާ ކަމަށްވެސް އިންޓަނޭޝަނަލް އެއިޑުން މައުލޫމާތުދެއެވެ.
އިސްރާއީލުން ދެމުންގެންދިޔަ ހަމަލާތަކުގައި ފަލަސްތީނުގެ ބޮޑު ބަޔަކުން ކަރަންޓު ކެނޑުނުއިރު ދިވެހީންގެ އެހީގައި ފަލަސްތީނު ހޮސްޕިޓަލަކަށް ވަނީ ކަރަންޓުވެސް ދީފައެވެ.
11 ދުވަހަށް އިޒްރޭލުން ދިން ވަރުގަދަ ހަމަލާތަކަށްފަހު މިހާރު ހަމަލާތައް ދިނުން ހުއްޓާލުމަށް އިޒްރޭލުން ވަނީ އެެއްބަސްވެފައެވެ.
