އިލްޔާސް ވިދާޅުވީ މިބަދަލާ އެކު ޕެކޭޖް ހުސްވިނަމަވެސް މަސް ނިމެންދެން އިތުރު ބޫސްޓަކާއިނުލާ އެންމެ ދަށްވެގެން 2އެމްބީޕީއެސްގެ ސްޕީޑްގައި އިންޓަނެޓު ބޭނުންކުރެވޭނެކަމަށެވެ
އިންޓަނެޓުގެ ހެޔޮއަގުގެ ދަށުން މިއަދު އިންޓަނެޓު ބޭނުންކުރެވޭ އެންމެ ދަށް ސްޕީޑްގެ ގޮތުގައި ހަމަޖެއްސި 2އެމްބީޕީއެސް އަކީ ޔޫޓިއުބް ސްޓްރީމިން ވީޑިއޯ އަދި ގޫގަލް މީޓް ފަަދަ ހިދުމަތްތައް އާދައިގެ ގޮތަކަށް ބޭނުންކުރެވޭ ސްޕީޑެކެވެ. އެފަދަ ހިދުމަތްތައް އެކަށީގެންވާ ސްޕީޑްގައި ބޭނުންކުރެވޭނީ 5އެމްބީޕީއެސް ސްޕީޑްގައެވެ.
އިލިޔާސް ވިދާޅުވީ ޑޭޓާ ހުސްވުމަށްފަހުވެސް ހިދުމަތް ބޭނުންކުރުމަށް ދެން އިތުރު ޕެކޭޖް ނެގުމާއި، ޑޭޓާ ބޫސްޓާސް ނަގަން ނުޖެހޭނެކަމަށާއި އެކަމަށް އާއްމުންގެ އަތުން އިތުރު ހަރަދުކުރަން ނުޖެހޭނެ ކަމަށެވެ.
އިލިޔާސް އިތުރަށް ވިދާޅުވީ މިއަދު ގެންނަން ކަނޑައެޅި ބަދަލުތައް ޖުލައި މަހުގެ 1ވަނަ ދުވަހުން ފެށިގެން ތަންފީޒުކުރެވެމުންދާއިރު، އިންޓަނެޓު ހިދުމަތް ފޯރުކޮށްދޭ ފަރާތްތަކުން ހިދުަމަތްދެމުންދަނީ މި ބަދަލުތަކާއި އެއްގޮތަށްތޯ ކޮމިއުނިކޭޝަން އޮތޯރިޓީން ބަލަމުންގެންދާނެ ކަމަށާއި، އެކަން އެގޮތަށް ކުރަމުން ނުދާނަމަ އަޅަންޖެހޭ ފިޔަވަޅުތައްވެސް އަަޅަމުން ގެންދާނެ ކަމަށެވެ.
