ޝައިނީ ދައްކާފައިވާ ވާހަކަތަކެއް ކަމަށް ބެލެވޭ އޯޑިއޯއެއްގައި އޭނާ ބުނެފައިވަނީ މިހާރު މިއޮތް އެމްޑީޕީ ސަރުކާރަށްވެސް އެމްއެމްޕީއާރުސީގެ ހިޔާނާތް ބަލަން ނުކެރޭނެ ކަމަށެވެ. އެންމެ ގިނަ ހިޔާނާތުގެ ލާރި ލިބިފައިވަނީ މިހާރު ސަރުކާރުގައި ތިބި މީހުންނަށް ކަމަށާއި އެންމެން ޖަލަށް ލެވޭ ވަރުގެ އޯޑިއޯވެސް އެބަހުރި ކަމަށް ޝައިނީ ވިދާޅުވިއެވެ.
ޝައިނީ ވިދާޅުވީ ރާއްޖެއިން ބޭރަށް ފުރައިގެން ދިޔައީވެސް އެހެންވެ ކަމަށާއި، އަދި އަނބުރާ ރާއްޖެއަށް އައީ އެ ޑޮކިއުމެންޓްސް ތައް ޔޫ އެސް ގައި ބަހައްޓާފައި ކަމަށެވެ.
ޝައިނީ އިތުރަށް ވިދާޅުވީ ރައީސް އިބްރާހީމް މުހައްމަދު ސޯލިހަށް ވެރިކަމަށް އާދެވުނީވެސް ޝައިނީއާ އެކު ހެދި ނެގޯސިއޭޝަނެއްގެ ދަށުން ކަމަށެވެ. މި ސަރުކާރު މިހާރު ވެރިކަމުގައި އޮތީވެސް ޝައިނީގެ ބާރުން ކަމަށް ބުނެ ޝައިނީ ވަނީ އޭނާއާ ކުޅެން ނޫޅުމަށް ބުނެ އިންޒާރު ދެއްވާފައެވެ.
ގާތްގަނޑަކަށް 04:53 މިނިޓުގެ އެ އޯޑިއޯގައި ބައެއް ތަންތަންކޮޅު ކަނޑާފައި ހުރިކަންވެސް ފާހަގަކުރެވުނެއެވެ. އެހެންކަމުން ފަހުން ސަރުކާރާއި ބެހޭގޮތުން ދެކެވުނު ވާހަކަތަކުގެ ސީދާ ސާފު ތަފްސީލުތަކެއް އެއޯޑިއޯއަކުން ނޭގެއެވެ.