ޖެނީލިއާއަކީ އޭނާގެ އެކްޓިންއާއި އަދި އޭނާގެ މިޒާޖުގައި ހުންނަ އާދަޔާ ޚިލާފު ލޯބި ގޮތްތަކެއްގެ ސަބަބުން ކުޑަ ދުވަސްކޮޅަކުން މަޝްހޫރުކަން ހޯދާފައިވާ ފަންނާނެކެވެ.
2003 ވަނަ އަހަރު "ތުޖޭ މޭރީ ކަސަމް" އިން ޖެނީލިއާގެ ޕްރޮފެޝަނަލް ކެރިއަރ ފެށުނު ނަމަވެސް ބެލުންތެރިންގެ މަގުބޫލުކަން އޭނާއަށް ލިބުނީ " މަސްތީ" އިންނެވެ.
ރެޑް ކާޕެޓުން ފެށިގެން ޖެނީލިއާގެ ހެދުމާއި އަދި އޭނާގެ ސްޓައިލަކީ އޭނާގެ ފޭނުންނަށް ނުހަނު ކަމުދާ ކަންކަމެވެ. އެގޮތުން ޖެނީލިއާގެ ބިޔުޓީ ޓިޕްސްތަކަށް ބަލައިލަމާ ހިނގާށެެވެ.
އެންމެ ފުރަތަމަ ޖެނީލިއާގެ އިސްތަށިގަނޑު ގެންގުޅޭ ގޮތަށް ބަލައިލަމާ ހެއްޔެވެ. ޖެނީލިއާއަކީ ކޮންމެ ދުވަހަކުވެސް ހެއަޓްރީޓްމެންޓް ނަގާ މީހެކެވެ. އެގޮތުން އިސްތަށިގަނޑު ދޮވެފިނަމަ އަބަދުވެސް ކޮންޑީޝަނާ ކުރާކަމަށް އިންޓަވިއުތަކުަގައި އޭނާ ބުނެއެވެ. ހަމަ އެހެންމެ މަދުވެގެން މަހަކު އެއް ފަަހަރު އޮލިވްއޮއިލް ނުވަތަ އެގް މާސްކެއް ބޭނުން ކުރާ ކަމަށްވެސްވެއެވެ.
ޖެނީލިއާއަކީ އޭނާގެ ހަންގަނޑަށްވެސް ވަރަށް ބަަލައިގެން އުޅޭ މީހެކެވެ. އެގޮތުން ނެޗުރަލް ލުކް އެއް ގެންގުޅުމަށް އަބަދުވެސް އޭނާ ވަރަށް ސަމާލުވެއެވެ. ފާހަގަކޮށްލެވޭ ކަމަކީ އެހެން ސްޓާރުންނެކޭ ހިލާފަށް ޖެނީލިއާއަކީ ހެވީ މޭކްއަޕް އާ ވަރަށް ދުރުގައި އުޅޭ މީހެކެވެ. އަދި ވީހާވެސް މަދުން މޭކްއަޕް ކުރުމަށް އޭނާ ލޯބިކުރެއެވެ. އަދި މޫނުގެ ހަންގަނޑު މަޑުކޮށް ބެހެއްޓުމަށްޓަކައި ކޮންމެ ރެޔަކުވެސް ނިދުމުގެ ކުރިން ކްރީމް ފޭސްމާސްކެއް ބޭނުންކުރާ ކަމުގައި އޭނާ ބުނެއެވެ.
އެހެންކަމުން އެހެން ސްޓާރުންނާ ހިލާފަށް ޖެނީލިއާއަކީ ވަރަށް ސިމްޕަލް އަދި ވަރަށް ނެޗުރަލް ލުކް އަކަށް ޓާގެޓްކޮށްގެން ނެޗުރަލް ޓިޕްސްތަކެއް ގެންގުޅޭ ސްޓާރެކެވެ.
