ރާއްޖޭގެ ނޫހަކަށް ދިން އިންޓަވިއުއްގައި އާމިރާ ވަނީ އޭނާގެ ފިލްމީ ކެރިއާ ފެށިގެން އައި ގޮތް ހިއްސާކޮށްފައެވެ.
އާމިރާ ބުނީ 2002 ވަނަ އަހަރު ފުރަތަމަ ފިލްމީ ދާއިރާއަށް ނުކުތީ ކޮންމެހެން ދާއިރާއަށް ޝައުގުވެރިކަން ހުރެގެން ނޫން ކަމަށެވެ. ފުރަތަމަ ލަވައެއް ކުޅުނީ ފިލްމު ޑައިރެކްޓަރު އަލީ ރަޝީދު (ގޮޅާ އައްޔަ) ގެ އެދުމުގެ މަތިން ކަމަށެވެ.
ގޮޅާ އައްޔަ އެދުމުންވެސް އެންމެ ފުރަތަމަ ފިލްމު ކުޅެން ބޭނުން ނުވި ކަމަށް އާމިރާ ބުންޏެވެ. އެހެންނަމަވެސް ފިލްމީ ދާއިރާއަށް ނުކުންނަށް ޖެހުނީ ޑިރެކްޓަރު ގޮސް މަންމަ ކައިރިން ހުއްދަ ހޯދައިގެން އައުމުން ދެން އިތުރު ގޮތެއް ނެތިގެން ކަމަށް އާމިރާ ބުންޏެވެ.
ފުރަތަމަ ފިލްމީ ދާއިރާއަށް ނުކުންނަށް ބޭނުން ނުވި ނަމަވެސް ދާއިރާއަށް ވަދެވުމުން ވަރަށް ފެނިގެން ދިޔައީ އެންމެން ގުޅިގެން އުޅޭ ވަރަށް މަޖާ މާހައުލެއް ކަމަށާއި އޭގެ ފަހުން ދާއިރާއަށް ޝައުގުވެރިކަން އުފެދުނު ކަމަށް އާމިރާ ބުންޏެވެ.
އާމިރާ ބުނީ ފިލްމީ ދާއިރާއާ ކުޑަކޮށް ދުރަށް ޖެހިލީ ވަގުތު ނުދެވޭތީ ކަަމަށާއި، އެހެންނަމަވެސް ކުރިއަށް އޮތްތާނގަވެސް މަދުމަދުން ނަމަވެސް ފެނިގެންދާނެ ކަމަށެވެ.
