Advertisement

ބިޕާޝާ ބާސޫ އަކީ ބޮލީވުޑުގައި ފާހަގަ ކޮށްލެވޭ ބަތަލާއެކެވެ. އޭނާ ހިނިތުންވުމުން ގިބަ ބައެއްގެ ހިތްތައް ކަތިލާފައިވާއިރު މިއަދު މިވަނީ އޭނާއަށް 41 އަހަރު ފުރިފައެވެ.

ގިނަ ބަޔަކު ބިޕާޝާއަށް އުފަން ދުވަހުގެ ތަހުނިޔާ ކިޔަމުން އަންނައިރު ރޭގައި ބިޕާޝާ ވަނީ އުފަންދުވަސް ފާހަގަކުރުމުގެ ގޮތުން ކޭކު ވެސް ފަޅާފައެވެ.

ބިޕާޝާ މިހާރު ރާއްޖޭގައި ޗުއްޓީ ހޭދަކުރަމުން އަންނައިރު އޭނާ ރާއްޖެއައިސްފައިވަނީ އާއަހަރު އަދި އުފަން ދުވަސް ފާހަގަ ކުރުމަށްޓަކައެވެ. އޭނާ އާއެކު އޭނާގެ ފިރިމީހާ ކަރަން ސިންގް ގްރޯވާ ރާއްޖެ ވަނީ އައިސްފައެވެ.

އުމުރުން 15 އަހަރުގައި މޮޑެލް ކުރަން ފަށާފައިވާއިރު އޭނާ ފުރަތަމަ ފިލްމަކުން ފެނިފައިވަނީ 2011 ވަނަ އަހަރު ނެރުނު "އަޖްނަބީ" އިންނެވެ.

އެފިލްމުން ބިޕާޝާ ގިނަ ބަޔަކަށް އެނގިގެން ދިޔައިރު އޭނާ ވަނީ އޭގެ ފަހުން 50 އަށް ވުރެ ގިނަ ފިލްމުގައި މަސައްކަތް ކޮށްފައެވެ. ބިޕާޝާ އެންމެ ފަހުން ފެނިގެން ދިޔައީ 'އެލޯން' އިންނެވެ. އެފިލްމުގައި އޭނާ ވަނީ ދެކެރެކްޓަރެއް ކުޅެފައެވެ. އެފިލްމުގައި ލީޑު އެކްޓަރެއްގެ ގޮތުގައި ފެނިގެން ދިޔައީ ބިޕާޝާގެ ފިރިމީހާއެވެ.

ބިޕާޝާ ކައިވެނިކޮށްފައިވަނީ 2016 ވަނަ އަހަރު އެކްޓަރު ކަރަން ސިންގް ގުރޯވާ އާއެވެ. އުމުރުން 36 އަހަރުގެ ކަރަން ވަނީ މީގެ ކުރިން އިތުރު ދެ ކައިވެންޏެއް ކޮށްފައެވެ. ބިޕާޝާ ކަރަން އާ ކައިވެނިކުރުމުގެ ކުރިން އެކްޓަރު ޖޯން އަބަރަހަމް އާ ލޯބީގެ ގޮތުން ވަނީ ގުޅިފައެވެ.

ބިޕާޝާ ދެން ފެނިގެންދާނީ އޭނާގެ ފިރިމީހާ ކަރަން އާއެކު އާދަތު އިންނެވެ.