މި ހޭލުންތެރިކުރުމުގެ ޕްރޮގްރާމް ހިންގާފައިވަނީ އެރަށުގެ ޕޮލިސް ސްޓޭޝަންގެ ފުލުހުންނެވެ.
ފުލުހުން ވިދާޅުވީ އޮގަސްޓު މަހުގެ 8 ވަނަ ދުވަހު ކުރިއަށް ގެންދިޔަ އެ ޕްރޮގްރާމުގައި، ރަށުގެ ފިހާރަތަކުގެ ސަލާމަތީ ކަންކަން ހުރިނެތްގޮތް ބަލައި އިތުރަށް ރަނގަޅު ކުރަންޖެހޭ ކަމަށް ފުލުހުންނަށް ފާހަގަ ކުރެވުނު ކަންކަން ބުނެދީ އެކަންކަން ރަނގަޅު ކުރުމަށް އިރުޝާދުދީފައިވާ ކަމަށެވެ.
މި ޕްރޮގްރާމުގެ ތެރެއިން ފައިސާ ގެންގުޅުމުގައި ސަމާލުކަން ދޭންވީ ކަންތައްތަކާއި ސައްހަނޫން ފައިސާ އާއި ޗެކު ދެނެގަންނާނެ ގޮތުގެ މައުލޫމާތު ފުލުހުން ހިއްސާކޮށްފައިވެއެވެ. އަދި މަކަރާއި ހީލަތުގެ މައްސަލަތަކާއި އެފަދަ ކަންކަމުން ރައްކާތެރިވުމަށްވެސް މައުލޫމާތު ހިއްސާކޮށްފައިވާ ކަމަށް ފުލުހުން ވިދާޅުވި އެވެ.
ފުލުހުން އަންނަނީ ރާއްޖޭގެ އެކި ރަށްރަށުގައި މިފަދަ ހޭލުންތެރިކުރުމުގެ ޕްރޮގްރާމްތައް ބާއްވަމުންނެވެ. މި ޕްރޮގްރާމުތަކުގެ ސަބަބުން ވިޔަފާރިވެރިން އިތުރަށް ހޭލުންތެރިވެ، މަކަރު ހެދުމަށް ހުޅުވިފައިވާ ދޮރުތައް ބަންދުވެގެންދެއެވެ.
