ކިއުބާއިން އަންނަނީ ބޭރު ގައުމުތަކުގައި މަސައްކަތް ކުރާ އެ ގައުމުގެ އެތައް ސަތޭކަ ޑޮކްޓަރުންނެއް ވެސް އަލުން އަނބުރާ ގައުމަށް ގެނައުމަށް މަސައްކަތް ކުރަމުންނެވެ.
މީގެ އިތުރުން އެގައުމުގެ ހޮޓާތައް ވެސް ވަނީ އައިސޮލޭޝަން ސެންޓަރުތަކަށް ބަދަލުކޮށްފައެވެ.
ކިއުބާގައި ފެތުރެމުން އަންނަނީ ޑެލްޓާ ވޭރިއަންޓުކަށް އެ ގައުމުގެ ސިއްހީ މާހިރުން އިއްޔެ ވަނީ ހާމަކޮށްފައެވެ.
ކިއުބާއިން އަންނަނީ އެގައުމުގެ ރައްޔިތުންގެ ބޮޑު އާބާދީއަކަށް ވެކްސިން ދިނުމަށް ވެސް މަސައްކަތް ކުރަމުންނެވެ.
ދުނިޔޭގެ އެހެން ގައުމުތަކުގައި ފެތުރޭ މިންވަރާ ބަލާއިރު ކިއުބާގައި ކޮވިޑް ފެތުރޭ މިންވަރު 10 ގުނަ އިތުރުކަމަށް ތަފާސް ހިސާބުތަކުން ދައްކައެވެ.
އެގައުމުގައި ޓެސްޓުކާ ކޮންމެ ފަސް މީހަކުން އެކަކު ކޮވިޑަށް ޕޮޒިޓިވް ވެއެވެ.
ކިއުބާއިން ގިނަ ބޭސްތަކެއް ހުސްވެފައިވާއިރު، ގިނަ އަދަދެއްގެ ބަޔަކު އަންނަނީ ފިހާރަތައް ދޮށުގައި ތަކެތި ގަތުމަށް ކިއު ވެސް ހަދަމުންނެެވެ.
