ކޮވިޑް-19ގެ ފަންޑްރެއިސާއެއްގައި ބައިވެރިވެ ސޯޝަލް މީޑިއާއަށް ދޫކޮށްލި ސެގްމެންޓެއްގައި ޝިލްޕާ ވަނީ ނުރަނގަޅު ވިސްނުންތަކާ ކުރިމަތިލާނީ ކިހިނެތްކަން ކިޔާދީފައެވެ.
ޝިލްޕާ ބުނީ އުދަނގޫ ވަގުތުތަކުގައި ނުރަނގަޅު ވިސްނުން އައުމަކީ ގުދުރަތީ ކަމެއް ކަމަށާއި އެވަގުތުތަކުގައި ނަފްސު ކޮންޓްރޯލް ކުރަން ޖެހޭ ކަމަށެވެ.
އޭނާއަށް އެކަންތަކުގައި ޔޯގާ މުހިއްމު ރޯލެއް އަދާކުރާ ކަމަށާއި އޭނާ މަސައްކަތް ކުރަނީ އަބަދުވެސް ޕޮޒިޓިވްކޮށް ވިސްނުން ބެހެއްޓުމަށް ކަމަށް ޝިލްޕާ ބުނެއެވެ.
ޝިލްޕާ ވަނީ ރަނގަޅު ސިއްހަތެއްގައި ތިބުމަށް މީހުންނަށް ބާރުއަޅައިފައެވެ. އަދި ޔޯގާގެ މުހިއްމުކަން ވެސް ޝިލްޕާ ކިޔާދިނެވެ.
ރިލައެންސް އެންޓަޓެއިންމެންޓުން އާއްމުކުރި އެ ވީޑިއޯ އަކި ޝިލްޕާ ފިރިމީހާ ހައްޔަރުކުރި ފަހުން އޭނާ ސޯޝަލް މީޑިއާއަށް ދޫކުރި ފުރަތަމަ ވީޑިއޯއަށް ވާއިރު އެ ވީޑިއޯ ސޯޝަލް މީޑިއާއަށް ދޫކޮށްލިތާ ގިނަ އިރުތަކެއް ނުވަނީ ވަނީ ވައިރަލް ވެފައެވެ.
ފިރިމީހާގެ ހައްޔަރުކުރުމާ ގުޅިގެން މީގެ ކުރިން ބަޔާނެއްގައި ޝިލްޕާ ބުނީ މިވަގުތު އެ އާއިލާގެ ޕްރައިވެސީއަށް އެންމެން ވެސް އިހުތިރާމް ކުރުމަށެވެ. އަދި ކަށަވަރު ނުވާ މައުލޫމާތު ނުފެތުރުމަށްވެސް ޝިލްޕާ އެދިފައިވެއެވެ.
