ރޭގެ ބައްދަލު ވުމުގެ ތެރެއިން ޓޫރިޒަމް މިނިސްޓަރާއި ކައުންސިލް ބައެއް މެންބަރުން
ހަނިމާދޫ ފަޅުގައި ތިން ރިސޯޓް ތަރައްގީ ކުރަން ކައުންސިލުން ވިސްނަނީ
21 އޯގަސްޓް 2021 - 11:31:56
ހދ.ހަނިމާދޫ ފަޅުތެރޭގައި ތިން ރިސޯޓު ތަރައްގީ ކުރުމުގެ ވިސްނުން އެބަހުރިކަމަށް އެރަށު ކައުންސިލުން ބުނެފިއެވެ.
ހަނިމާދޫ ކައުންސިލްގެ ރައީސް އަބްދުލް ސައްތާރު ހަސަން ސީއެންއެމް އަށް ވިދާޅުވީ އެމަސައްކަތަކީ އެއާޕޯޓު އިންޓަނޭޝަނަލް އެއާޕޯޓަކަށް ބަދަލުވެގެން އަންނަ އިރު ކުރިއަށްދާނެ މަސައްކަތެއް ކަމަށެވެ.
"މިމަސައްކަތް ގުޅޭނީ އެމަސައްކަތާ. އަޅުގަނޑުމެންގެ ވިސްނުމަކީ މަދުވެގެން 1000 ބެޑުގެ ކެޕޭސިޓީ މިރަށުގައި އުފެއްދުން " ހަނިމާދޫ ކައުންސިލް ރައީސް ވިދާޅުވިއެވެ.
ހަނިމާދޫގެ ފަޅުގެ ދިގުމިނުގައި ގާތްގަނޑަކަށް 4.5 ކިލޯމީޓަރު ހުރެއެވެ. ކައުންސިލުން ބުނީ އެރަށުގެ ފަޅުތެރޭގައި ހަދާ ރިސޯޓުތައް ހަދާނީ ކޮންގޮތަކަށްތޯ އަދި ވިސްނާފައި ނުވާ ކަމަށެވެ. އެމަސައްކަތް ކުރެވޭނީ ހިއްކައިގެންތޯ ނުވަތަ ވޯޓަ ވިލާތަކެއް ހަދާނީތޯ ނުވަތަ އެހެންގެންގޮތަކަށް ކުރާނީތޯ މަޝްވަރާ ކުރަމުން އަންނަކަމަށް ކައުންސިލުން ބުންޏެވެ.
ކައުންސިލުން ބުނީ އެމަސައްކަތް ކައުންސިލުގެ މިހިނގާ ދައުރުގެ ތެރޭ ކުރެވޭނެ ކަމަށެވެ.
ޓޫރިޒަމް މިނިސްޓަރު، ފަތުރުވެރިކަން ޕްރޮމޯޓުކުރުމަށް، އުތުރުގެ ރަށްތަކަށް މިހާރު ގެންދަވަނީ ދަތުރުފުޅެއް ކުރައްވަމުންނެވެ. މިދަތުރުފުޅުގައި ރޭ ހަނިމާދޫ އިޖްތިމާއީ މަރުކަޒުގައި ބައްދަލުވުމެއް ބޭއްވެވިއެވެ.
މި ބައްދަލުވުމުގައި މިނިސްޓަރ އަބްދުﷲ މައުސޫމް އާއި ހދ.އަތޮޅު ކައުންސިލްގެ ރައިސް ވަނީ ބައިވެރިވެވަޑައިގެންފައެވެ. އަދި ގިނަ އަދަދެއްގެ ރައްޔިތުންވެސް ވަނީ މިޖަލުސާގައި ބައިވެރިވެފައެވެ
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
