ކްރިމިނަލް ކޯޓުން އޭނާގެ ބަންދުގެ މުއްދަތު އިތުރުކޮށްފައި ވަނީ އިއްޔެ ބަންދު މުރާޖައާ ކުރުމަށް ކޯޓަށް ގެންދިއުމުންނެވެ. މި މައްސަލައިގައި އޭނާ ހައްޔަރުކޮށްފައި ވަނީ މިދިޔަ މަހުގެ 22 ވަނަ ދުވަހު އެވެ. އަދި އޭނާގެ މައްޗަށް ދައުވާތައް އުފުލާފައިވަނީ މިމަހުގެ 26 ވަނަ ދުވަހު އެވެ.
ޕީޖީން ބުނީ އޭނާ އެކަން ކޮށްފައިވަނީ އެކިދުވަސްމަތިން އެކި މީހުންގެ ސޯޝަލް މީޑިއާ އެކައުންޓްތަކާއި، ޒާތީ މުޢާމަލާތް ހިމެނޭ އެހެނިހެން އެކައުންޓްތައް ހެކްކުރުމަށްފަހު ކަމަށެވެ.
މަސާއިދުގެ މައްޗަށް ޖުމްލަ 11 ދައުވާއެއް ޕީޖީން ކުރެއެވެ. އެގޮތުން އޭނާގެ މައްޗަށް އޮރިޔާން ކާޑު ގެންގުޅުމުގެ ތިން ދައުވާ އަކާއި، އޮރިޔާން ކާޑު ފެތުރުމުގެ ތިން ދައުވާ އަކާއި، އެނގި ހުރެ ހުއްދަނޫން ގޮތުގައި މައުލޫމާތު ހޯދުމުގެކުށުގެ ދައުވާ ކުރެއެވެ.
އޭގެ އިތުރުން އެނގިހުރެ ހުއްދަނޫން ގޮތުގައި މަޢުލޫމާތު ހޯދަން އުޅުމުގެ ކުށުގެ ދަޢުވާއާއި ޢަދުލުއިންސާފު ޤާއިމުކުރުމަށް ހުރަސްއެޅުމުގެ ކުށުގެ ދަޢުވާއާއި މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރުހިންގުމުގެ ކުށުގެ ދަޢުވާގެ އިތުރުން އެނގިހުރެ ހުއްދަނޫން ތަނަކަށް ވަނުމުގެ ކުށުގެ ދައުވާވެސް އޭނާގެ މައްޗަށް ކުރެއެވެ.
