މި އެއްބަސްވުމުގެ ދަށުން، ޓިކެޓިން އެންޑް ރިޒަވޭޝަން ދާއިރާއިން ތަމްރީނާއި ތަޖުރިބާ ހޯދައިދިނުމަށް  ވަނީ ހަމަޖެހިފައެވެ. 

މި އެއްބަސްވުމުގައި ސޮއިކޮށްފައި ވަނީ އެކަމަށްޓަކައި ވިލާ ކޮލެޖުގައި މިއަދު ބޭއްވި ހާއްސަ ރަސްމިއްޔާތެއްގައެވެ.

އެއްބަސްވުމުގައި ސޮއިކުރުމަށްފަހު ވާހަކަ ދައްކަދައްކަވަމުން އައިލެންޑް އޭވިއޭޝަން ސާވިސަަސްގެ ޑެޕިއުޓީ މެނޭޖިން ޑިރެކްޓަރު އައިޝަތު ޖެނިފާ ވިދާޅުވީ މި އެއްބަސްވުމަކީ އޭވިއޭޝަންގެ އެކި ދާއިރާތަކުން ކިޔަވަމުންދާ ދަރިވަރުންގެ ހުނަރުތައް އިތުރުކޮށް، ޕްރޮފެޝަނަލް ތަމުރީނާއި އެކަމުގެ އިލްމު އޭގެ އެންމެ ފުރިހަމަ ގޮތުގައި ހޯދޭނެ މަގުތަނަވަސްކޮށް ދިނުމަށް ސޮއިކުރި އެއްބަސްވުމެއް ކަމަށެވެ.

ޖެނިފާ ވިދާޅުވި ގޮތުގައި، މިފަދަ ކޮންމެ ކަމަކުން މަސައްކަތަށް އެކަށިގެންވާ ތަމުރީނާއި ތަޖުރިބާ ލިބިފައިވާ ވޯކްފޯސްއެއް އުފެއްދުމުގެ އިތުރުން އެ ކުންފުނީގެ ސީއެސްއާރު މަގުސަދުވެސް ހާސިލުވެގެންދާނެ ކަމަށެވެ. އެހެންކަމުން އެ ތަމްރީނުތަކާއެކު އިލްމީ ގާބިލު މަސައްކަތްތެރިން އުފެއްދޭނެކަން ޔަގީންކުރާ ކަމަށް ވިދާޅުވިއެވެ.

އައިލެންޑް އޭވިއޭޝަންގެ ހިންގުން ހަރުދަނާ ކުރުމުގެ ގޮތުން، 10 އަހަރުގެ އޭވިއޭޝަން ޕްލޭނެއް އެކުލަވާލުމަށް، ކޮންސަލްޓެންސީ ޚިދުމަތް ދޭނެ ފަރާތެއް ހޯދުމަށް، މިދިޔަ އަހަރުން ފެށިގެން ވަނީ އިއުލާންކޮށްފައެވެ. 

ރާއްޖޭގައި މުޅިން އަލަށް، މިފަދަ ޕްލޭނެއް އެކުލަވާލުމުގެ މަސައްކަތް ފިނޭންސް މިނިސްޓްރީން ފަށާފައިވާއިރު، މިކަމުގެ ސަބަބުން، އޭވިއޭޝަން ދާއިރާ، މިހާރަށްވުރެވެސް ހަރުދަނާކޮށް، ހިންގުމަށް މަގު ފަހިވެގެންދާނެ އެވެ..

10 އަހަރު ދުވަހުގެ މުއްދަތަށް ހެދޭ މި ޕްލޭންއާއި އެކު، ރަނގަޅު ބަދަލުތަކެއް އޭވިއޭޝަން ދާއިރާ އަށް އަންނާނެ ކަމަށް ގިނަ ބަޔަކު ޤަބޫލުކުރެއެވެ. އަދި ކުންފުނިން ދޭ ޚިދުމަތަކީ، ކޮމާޝަލް ނޫނީ، ސޯޝަލް ރެސްޕޮންސިބިލިޓީގެ ދަށުން ދޭންޖެހޭ ޚިދުމަތެއްތޯ ކަނޑައެޅުމުގައިވެސް ފަސޭހަވެގެން ދާނެ ކަމަށް، ދާއިރާގެ ތަޖުރިބާކާރުން ދެކެވަޑައިގަންނަވައެވެ.