މޫސުން ގޯސްވެ ކަނޑުވެފައިވާ ދޯންޏެއް
ފީވަކު ބަނދަރަށް ވަންނަން އުޅުނު ދޯންޏެއް ބަނޑުން ޖަހާލައިފި
މުހައްމަދު މުސްތަފާ
18 އޮކްޓޯބަރ 2021 - 19:57:03
ހދ.ކުޅުދުއްފުށިން ފުރައިގެން ށ. ފީވަކަށް ދަތުރު ކުރި ދޯންޏެއް ފީވަކަށް ވަންނަން އުޅުމުގެ ތެރޭގައި އެރަށު ބަނދަރު ކައިރި އަށް ބަނޑުން ޖަހާލައިފިއެވެ.
މި ހާދިސާ ހިނގާފައިވަނީ މިއަދު ހަވީރުގެ ވަގުތެއްގައެވެ.
ފީވަކު ބަނދަރަށް ވަންނަން އުޅުނު ދޯނި ބަންޑުން ޖަހާލިއިރު ދޯނީގައި ތިން މީހުން ތިއްބެވެ.
ފުލުހުން ބުނީ، މި ހާދިސާ ހިނގައިގެން އުޅޭ ކަމުގެ މައުލޫމާތު މިއަދި 16:30 ހާއިރު ރިޕޯޓްކޮށްފައިވާ ކަމަށާއި އެ ހާދިސާގައި އެއްވެސް މީހަކަށް ގެއްލުމެއް ލިބިފައި ނުވާ ކަމަށެވެ.
ރާއްޖެއަށް މި ކުރާ ގަދަ ވިއްސާރައިގައޮ ކަނޑު ދަތުރުފަތުރު ކުރާއިރު ސަމާލުވުމަށް މޫސުމާ ބެހޭ ގައުމީ އިދާރާއިން ވެސް ވަނީ އިލްތިމާސްކޮށްފައެވެ.
މިފަދަ ހިތާމަވެރޮ ހާދިސާތައް މި ފަހަކަށް އައިސް ހިނގުން ގިނަ ވެފައިވާއިރު މީގެ ދެ ދުވަސް ކުރިން ވ. އަތޮޅަށް ދަތުރުކުރި ލޯންޗަކުން ވެއްޓުނު އަންހެނަކުވެސް ވަނީ ކަނޑުވެ މަރުވެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
