ފިލްމްފެއާ އާއި ވާހަކަ ދައްކަމުން ނޯރާ ބުނަނީ ގަހަނާ ތަކުގެ ސަބަބުން ނޭވާާ ލާން އުނދަގޫވި ކަމަށާއި ކަރުގައި ހަލާކުވެފަ ހުރި ކަމުގެ ނިޝާންތައް ފެންނަން އެބަހުރިކަމަށެވެ.
"މިލަވަ ޝޫޓް ކުރަން އުޅުމުގެ ތެރޭގައި ވަރަށް އަނިޔާވި. ފައިގެ ތަންތަން ހަލާކުވެ ލޭވެސްއައި" ނޮރާ ފަތޭހީ ފިލްފެއާ ގެ އިންޓަވިއު އެއްގައި ބުންޏެވެ.
އަޅާފައިހުރި ފޮތިގަނޑާ ގަހަނާ ތަކުގެ ސަބަބުން ނޯރާގެ ކަރުގައި ވަނީ ނިޝާން ތަކެއް ލާފައެވެ.
ނޯރާ ބުނަނީ މި ލަވައިގެ ޝޫޓިންއަކީ މިހާތަނަށް ނޯރާ އަށް ކުރެވުނު އެންމެ އުނދަގޫ އަދި އެންމެ އަނިޔާ ލިބުނު އެއް ޝޫޓިން ކަމަށެވެ. މީގެ ކުރީގައި ޝޫޓް ކޮށްފައިވާ "ބުޖް" ގެ އެކްޝަން ސީން އެއްގައި ނޯރާގެ ނިތްކުރިއަށް ވެސްވަނީ އަނިޔާ ލިބިފައެވެ. އަދި މީގެ ސަބަބުން ވަނީ ނުފިލާވަރުގެ ލަކުނެއްލާފައެވެ.
ގިނަ ބައެއްގެ ތަރުހީބު މިހާރުވެސް އެ ލަވަ އަށް ލިބެމުންދާއިރު ނޯރާގެ ރިލީޒްވާ ކޮންމެ ލަވަ އަކަށް ވެސް ބެލުންތެރިންގެ ބޮޑު ތަރުހީބެއް އަންނަނީ ލިބެމުންނެވެ. ނޯރާއަކީ ބޮލީވޫޑަށް ނުކުމެ މަދު ދުވަސްކޮޅެއްގެ ތެރޭގައި މީހުންގެ މަގްބޫލުކަން ހޯދާފައިވާ ފަންނާނެކެވެ.
