ވޯލްޑް ކަޕުގެ ފައިނަލް ބުރުގެ ޖާގަތަކަށް ވާދަކުރާ ޕްލޭ އޮފް މެޗުތަކުގެ ގުރުއަތު ނެގުނު އިރު، އިޓަލީ އަދި ޕޯޗުގަލްއަށް ނޮކްއައުޓް މެޗެއްގައި ކުޅެން ޖެހުމުގެ ފުރުސަތު އޮތުމުން، މި ދެ ޓީމު އެކުގައި އަންނަ އަހަރުގެ ވޯލްޑް ކަޕުން ފުރުސަތު ނުލިބޭނެއެވެ. އެންމެ ފަހުގެ ޔޫރޯގެ ތަށި ހޯދާފައިވާ އިޓަލީ އަދި އޭގެ ކުރީ ޔޫރޯގެ ޗެމްޕިއަން ޕޯޗުގަލްއަށް އެ ދެ ޓީމު ހިމެނު ގްރޫޕުތަކުގެ ޗެމްޕިއަނުންގެ ގޮތުގައި ވޯލްޑްކަޕަށް ކޮލިފައި ނުވެވުމުން ދެން މި ދެ ޓީމަށް ފުރުސަތު އޮތީ ޕްލޭ އޮފްގެ ތެރެއިންނެވެ.
ޕްލޭ އޮފްގައި ޕޯޗުގަލްއާ އިޓަލީ އެއް ބްރެކެޓަކަށް ލައްވާލާފައިވާއިރު، އިޓަލީ ފުރަތަމަ ކުޅެން ޖެހޭނީ ނޯތު މެސެޑޯނިއާއާއެވެ. މި މެޗުން މޮޅުވާ ޓީމެއްކުޅެން ޖެހޭނީ ޕޯޗުގަލްއާ ތުރުކީ ކުޅެގެން މޮޅުވާ ބަޔަކާއެވެ. އެހެންކަމުން އަންނަ އަހަރު ގަތަރުގައި އޮންނަ ވޯލްޑްކަޕުގައި އިޓަލީ ނުވަތަ ޕޯޗުގަލް މި ދެ ޓީމުންކުރެ އެއް ޓީމަށް ފުރުސަތު ގެއްލޭނެއެވެ.
