އަންނަ އަހަރު ހުށަހަޅަން ނިންމާފައިވާ ބިލުގައިވާ ގޮތުން 2008 ވަނަ އަހަރު ފަހުން އުފަންވި އެއްވެސް ފަރާތަކަށް އެމީހުންގެ މުޅި އުމުރުގައިވެސް ސިގްރޭޓެއް ނުގަނެވޭނެއެވެ.
"އަހަރުމެން ބޭނުން އަހަރުމުން ޅަދަރިން ދުވަހަކުވެސް ދުންފަތުގެ އިސްތިއުމާލު ނުކުރާނެކަމަށް ޔަގީން ކުރަން." ހެލްތު މިނިސްޓަރު ޑރ އަޔެޝާ ވަރެލް ވިދާޅުވި އެވެ.
މިއީ އަންނަ އަހަރުން ފެށިގެން ދުންފަތުގެ އިސްތިއުމާލު ކުރުން ހުއްޓުވަން އެގައުމުގެ ހެލްތު މިނިސްޓްރީން ބުރާސްފަތި ދުވަހު އިއުލާންކުރި ކަންކަމުގެ ތެރެއިން ކަަމެކެވެ.
ޑޮކްޓަރުންނާއި ސިއްހީ މާހިރުން ވަނީ "ދުނިޔޭގެ އެންމެ ކުރިހޯދައިފައިވާ" މި އިސްލާހުތަކަށް ތާއީދުކޮށްފައެވެ. އެގޮތުން މި އިސްލާހުތަކުގެ ތެރޭގައި ސިގްރޭޓުގައި ނިކޮޓިން ހުންނަ މިންވަރު ދަށްކުރުން ވެސް ހިމެނެއެވެ. ނިކޮޓިން ހުންނަ މިންވަރު ދަށްކުރުމުން މީހުން އެއަށް ދެވިހިފުމުގެ ފުރުސަތު ދަށްކޮށްދެއެވެ.
ނަމަވެސް ބައެއް ފަރާތްތަކުން ވަނީ ހެލްތު މިނިސްޓްރީން މިފަދަ ފިޔަވަޅުތަކެއް އަޅާފި ނަމަ ދުންފަތުގެ ކަޅު ބާޒާރެއް އުފެދިދާނެ ކަމަށް ބުނަމުންނެވެ. އެހެންކަމުން އެ ފަދަ ގާނޫނެއް ވުޖޫދަށް އައިސްފި ނަމަ ބޯޑަރުތައް ވަރުގަދަކޮށް އިތުރު ފިޔަވަޅުތަައް އެޅުމަށް ގޮވާލައިފައިވެއެވެ.
