ގްރީން ސްޓްރީޓްސްއިންވަނީ އެ ޓީމުން ކުޅުނު ފުރަތަމަ މެޗުގައި އާދިއްތަ ދުވަހު ހަވީރު ޕްރެޒިޑެންޓްސް ކަޕުގައި ދަ ގްރާންޑޭ ފަސް ލަނޑު ސުން ލަނޑުން ބަލިކޮށްފައެވެ. ބޮޑު ތަފާތަކުން ދަ ގްރާންޑޭ އަތުން މޮޅުވި ނަމަވެސް ކެޕްޓަން ރިލޭ ބުނީ، މިއީ އުނދަގޫ ހާލަތެއްގެ ތެރެއިން ލިބުނު މުހިއްމު މޮޅެއް ކަމަށެވެ.
ގްރީން ސްޓްރީޓްސްއިން ދަ ގްރާންޑޭއާ ދެކޮޅަށް ކުޅުނު މެޗަކީ ޕްރެޒިޑެންޓްސް ކަޕުގައި ދެ ޓީމުގވެސް ފުރަތަމަ މެޗެވެ. މުޅިން ހުސްކޮށް ކަހަލަ ގޮތަކަށް އޮތް ދަނޑުގައި ކުޅުނު މި މެޗުގައި ފުރަތަމަ ލަނޑު ގްރީންއިން ޖެހީ މެޗުގެ ވަރަށް ކުރީކޮޅުއެވެ. މެޗުގެ އެރާވަނަ މިނިޓްގައި ގްރީންއިން ޖެހި މި ލަނޑަކީ ދަ ގްރާންޑޭ ކުޅުންތެރިއެއްގެ ބޮލުގައި ޖެހިފައި ބައިކޮޅަށް ވަތް ލަނޑެކެވެ. ދެވަނަ ލަނޑު މެޗުގެ ދެވަނަ ހާފުގައި ޖެހީ އަންސަރުއެވެ. މެޗުގެ މޮޅު ކުޅުންތެރިއަކަށް ހޮވުނީވެސް އަންސަރެވެ. ގްރީންގެ އަނެއް ތިން ލަނޑަކީ ކެޕްޓަން ރިލްވާން، އަދި ސާއިފުގެ އިތުރުން އަބްދުﷲ ޔާމީންއެވެ. މުބާރާތުގައި ގްރީންއިން ދެން ކުޅެން ޖެހޭ މެޗު އޮންނާނީ އަންނަ ހޮނިހިރު ދުވަހުގެ ރޭއެވެ. އަންނަ ހޮނިހިރު ދުވަހުގެ ރޭ ގްރީން ނުކުންނާނީ ކްލަބު ވެލެންސިޔާއާ ދެކޮޅަށެވެ.
