މިދިޔަ އަހަރުގެ ތެރޭގައި ޝޫޓިން ފެށި އެ ފިލްމުގެ ކާސްޓާއި ކްރޫ މިވަގުތު މަންޒަރުތައް ނަގަމުން އަންނަނީ ވ. ކެޔޮދޫގައެވެ.
މަޝްހޫރު ސްކްރިޕްޓް ރައިޓަރު އަހުމަދު ޒަރީރު ޑައިރެކްޝަން ހަދާ "ބީވީމާ" ގެ މަންޒަރުތައް ކެޔޮދޫގައި ނަގަމުން އަންނަ އިރު ގިނަ އަދަދެއްގެ އާ ތަރިން ޝޫޓިންގައި ހަރަކާތްތެރިވާކަން ފާހަގަކޮށްލެވެއެވެ.
ބީވީމާގެ މަންޒަރެއް ނަގަނީ…
ކެޔޮދޫގައި އައިމިނަތު ރަޝްފާ (އާޝާ) އަދި އަލަށް ތައާރަފްވާ ތަރި އާދަމް ޒިދާން (ނާނަ) ގެ މަންޒަރުތައް ނަގަމުން އަންނަ އިރު ފިލްމުގެ ލީޑުން ލަވަކިޔުންތެރިޔާ އަޝްފާ އަދި އިސްމާއިލް ރަޝީދު (ކޮޕީ އިއްސެ) ފެންނާނެ އެވެ.
އިބްރާހިމް ވިޝާން(ކަނޑި) ކެމެރާކުރާ އެ ފިލްމުގެ ކެމެރާކޮށްދެމުން އަންނަ އިރު ޕޯސްޓު ޕްރޮޑަކްޝަންގެ މަަސައްކަތް ކުރަނީ އަލީ ޝިފާއު (ޗިއްޕެ) އެވެ.
"ބީވީމާ" ގެ ހުރިހާ މަސައްކަތެއް ނިމި ބެލުންތެެރިންނާ ހަމައަށް ގެނެސްދޭނެ ތާރީހު އަދި އިއުލާނެއް ނުކުރެއެވެ. އެހެން ނަމަވެސް ޑާކްރެއިންގެ ވެބް ސީރީޒް "ގިރިޓީ ލޯބި" މިހާރު އަންނަނީ ބައިސްކޯފުގައި ސްޓްރީމް ކުރަމުންނެވެ.
