މެދުނުކެޑި، ކޮންމެ އަހަރަކު ކުރިއަށް ގެންދަން ރާވާފައިވާ މި މުބާރާތް ބޭއްވުމުގެ ބޭނުމަކީ ކުނާވިޔުމުގެ މަސައްކަތުން ރަނގަޅު އާމްދަނީއެއް އަންހެނުންނަށް ހޯދައި ދިނުމެވެ.
އެރަށު އަންހެނުންގެ ތަރައްގީ އަށް މަސައްކަތް ކުރާ ކޮމެޓީގެ ރައީސާ އައިޝަތު ޒަހުވާ ވިދާޅުވީ އެކަމުގެ ފެށުމެއްގެ ގޮތުން އަންނަ އަހަރު ގައްދޫގައި ކުނާ ވިއުމުގެ ކޯހެއް ކުރިއަށް ގެންދާނެ ކަމަށެވެ.
" އަންހެނުންނަށް އާމްދަނީ ލިބޭނެ މަގެއް ފަހި ކުރުމަކީ މި ކޮމިޓީގެ ވަރަށް ބޮޑު ވިސްނުމެއް. އެހެންވެ، ކޮމިޓީން މިކަން ރާވާފައިވަނީ. ކޮންމެ އަހަރަކުވެސް ކޯސް ހިންގާނެ" ކޮމިޓީގެ ރައީސާ ވިދާޅުވިއެވެ.
ފޮޓޯ މިހާރު
އެކޮމިޓީން ބުނީ މީގެ ކުރިންވެސް ކޯސް ކުރިއަށް ގެންދިއުމަށް ވިސްނާފައިވާ ކަމަށާއި އެހެންނަމަވެސް އެކަން ފަސްވެގެން އައީ ކޮވިޑްގެ އާލަމީ ވަބާއާ ގުޅިގެން ކަމަށެވެ.
އެހެންނަމަވެސް މިހާރު ނިންމާފައިވަނީ މިފެށޭ 2022 ވަނައަހަރުގެ މެދުތެރޭގައި ކޯސް ފެއްޓުމަށް ކަމަށްވެސް ކައުންސިލުން ބުނެއެވެ.
"ރަޖިސްޓްރޭޝަން ފީއެއްގެ ގޮތުގައި 200 ރުފިއާ ނަގާނީ. އިތުރު އެއްވެސް ފީ އެއް ނުނަގާ ކުރިއަށް ދާ މި ކޯސް ކޮންމެ އަހަރަކު ރެގިއުލާކޮށް މެދުނުކެޑި ކުރިއަށްދާނެ" ކޮމިޓީ ރައީސާ ވިދާޅުވިއެވެ.
ކޮމިޓީން ބުނީ ކުނާ ވިޔުމުގެ ބޭސިކް އަދި އެޑްވާންސް ކޯސް ހިންގާނެ ކަމަށެވެ. އެގޮތުން ބޭސިކް ބައިގައި ހައު ކަނޑާގޮތް ކިޔައިދޭނެ ކަމަށާއި، އެޑްވާންސް ބައިގައި ތުނޑު ކުނާ ވިޔާނެ ގޮތް ކިޔައިދޭނެ ކަމަށެވެ.
އަބަދުވެސް ގައްދޫ އަކީ ކުނާވިއުމުގެ ރޮގުން ފަންނުވެރިން ތިބި، އަދި މިހާރުވެސް އެ މަަަސައްކަތުން އާމްދަނީ ހޯދަމުންދާ ބަޔަކު އުޅޭ ރަށެކެވެ.
