ފެނަކައިން ބުނީ، ޖެނުއަރީ މަހުގެ މުސާރަ، އެކުންފުނީގެ 3،346 މުވައްޒަފަކަށް ލިބިގެންދިޔައީ މިނިމަމް ވޭޖް އާ އެއްގޮތަށް ކަމަށެވެ. ރާއްޖޭގެ އެކި ކަންކޮޅުތަކުގައި 4،000 އެއްހާ މުވައްޒަފުން މަަސައްކަތްކުރާ ފެނަކައިގެ ގިނަ އަދަދެއްގެ މުވައްޒަފުންނަށް މިވަނީ މުސާރައިގެ ކުރިއެރުން ލިބިފައެވެ.
ފެނަކައިން ބުނީ މިނިމަމް ވޭޖު ކަނޑައެޅުމުގެ ކުރިން އެ ކުންފުނީގެ ބައެއް މުވައްޒަފުންނަށް 5،590ރ. ލިބުނު ނަމަވެސް މިނިމަމް ވޭޖާއެކު ބައެއް މުވައްޒަފުންގެ މުސާރަ 9،222ރ. އަށް ބޮޑުކޮށްފައިވާ ކަމަށެވެ.
މިނިމަމް ވޭޖް ކަނޑައަޅާފައި ވަނީ މިނިމަމް ވޭޖް ބޯޑުގެ ލަފަޔާއެކު ހަތަރު ކެޓަގަރީއަކަށް ބަހާލައިގެންނެވެ. ނަމަވެސް ބޯޑުން ދިން ލަފަޔާއި ހިލާފަށް ޕްރައިވެޓް ސެކްޓަރުގެ ދެ ފަންތިއެއްގެ މިނިމަމް ވޭޖު ކަނޑައަޅާފައިވަނީ ބޯޑުން ލަފާ ދިން ވަރަށް ވުރެ ކުޑަކޮށެވެ.
އެގޮތުން މިނިމަމް ވޭޖްގައިވާ ގޮތުން ޕްރައިވެޓް ސެކްޓަރުގައި ކުދި ފަންތީގެ ވިޔަފާރިތަކަށް ދެވޭނެ އެންމެ ކުޑަ އަދަދަކީ މަހަކަށް 4،500 ރުފިޔާ އެވެ. އަދި މެދު ފަންތީގެ ވިޔަފާރިތަކަށް މަހަކު 7،000 ރުފިޔާ ކަނޑައަޅާފައިވާއިރު، ބޮޑެތި ވިޔަފާރިތަކަށް ކަނޑައަޅާފައިވަނީ މަހަކަށް 8،000 ރުފިޔާ އެވެ. ދައުލަތުގެ މުވައްޒަފެއްނަމަ މަހަކު 7،000 ރުފިޔާ އެވެ.
މިނިމަމް ވޭޖް ދިނުމުގެ އަމުރުގައި އިކޮނޮމިކް މިނިސްޓަރު ފައްޔާޒު އިސްމާއީލް ނެރުއްވި މިދިޔަ ނޮވެމްބަރު މަހުގެ އަށް ވަނަ ދުވަހު އެވެ.
