ރިޔާސީ ބަޔާން އިއްވަމުން ރައީސް ވިދާޅުވީ މާލޭގެ ރައްޔިތުންގެތެރެއިން އެންމެ ބޮޑަށް ބޯހިޔާވަހިކަން ބޭނުންވާ މީހުންނަށް ހުޅުމާލެއް މަދުވެގެން 1000 ކަނޑާފައި ދެއްވާނެކަމަށާއި އަދި ގުޅިފަޅުން 2000 ގޯތި ދޭނެ ކަމަށެވެ. އަދި ގިރާވަރުފަޅު ހިއްކުމަށް ފަހު އެތަނުންވެސް 2000 ގޯތި ދެއްވާނެކަމަށް ރައީސް ވިދާޅުވި އެވެ.
މިހާރު ކުރިއަށްދާ 2022 ވަނަ އަހަރުގެ ރިޔާސީ ބަޔާން އިއްވަވަމުން ރައީސް ސޯލިހު ވިދާޅުވީ، މާލޭ ރައްޔިތުންނަށް ބޯހިޔާވަހިކަން ހޯދައި ދިނުމަށް ކުރެވުނު ކަންތަކަށް ވުރެ ގިނަ ވާހަކަ އަބަދުވެސް ދައްކާ ކަމަށާއި، އެކަމުގެ އިހުސާސްވެސް ކުރެވޭ ކަމަށެވެ. އެހެން ނަމަވެސް ވާހަކަ ދެއްކުން މަދުކޮށް މާލޭގެ ރައްޔިތުންނަށް މި އަހަރު ތެރޭ ގޯތި ދިނުމަށް ނިންމާފައި ވާކަމަށެވެ.
މީގެ އިތުރުން އެމަނިކުފާނު ވިދާޅުވީ، މިދިޔަ އަހަރުގެ ރިޔާސީ ބަޔާނުގައި ދެންނެވި 5,000 ހައުސިން ޔުނިޓްގެ މަސައްކަތް ހުޅުމާލޭގައި މިހާރު ކުރިއަށް ދާކަމަށާއި، އަދި އިތުރު 2,000 ހައުސިން ޔުނިޓުގެ މަސައްކަތް ހުޅުމާލޭގާ ފެށޭނެ ކަމަށެވެ.
މީގެ އިތުރުން އެމަނިކުފާނު ވިދާޅުވީ، މާލޭ ސަރަހައްދުގެ ބޯހިޔާވަހިކަމަށް ހައްލު ހޯދައި ދިނުމަށް، ގިރާވަރު ފަޅު ހިއްކާ އެބިމުންވެސް މަދުވެގެން 2,000 ގޯތި މާލޭ ރަށްވެހިންނަށް ދޭނެ ކަމަށާއި، ގިރާވަރު ފަޅަކީ ތިލަމާލެ ބްރިޖް އާއި ގުޅުވާލެވޭނެ ތަނެއް ކަމަށެވެ.
މީގެ އިތުރުން އެމަނިކުފާނު ވިދާޅުވީ، އެމަނިކުފާނުގެ ރިޔާސީ މިދައުރު ނިންމާނީ އެންމެ ބޭނުން ޖެހިފައިވާ މާލޭގެ ރައްޔިތުންނަށް އިންވަކިކޮށް، ރޯނުދަމާ، ބިންކަނޑާ، ގޯތީގެފަތް ދިނުމަށްފަހު ކަމަށެވެ.
