އަދި އަންނަ ރަމަޟާން މަހާ ހަމަޔަށް ރަންވޭ މަސައްކަތް އެއްކޮށް ނިމޭނެ ކަމަށް ވެސް އެކައުންސިލުން ބުނެއެވެ.
ހޯރަފުށި އެއާޕޯޓްގެ ގޮނޑުދޮށް ހިމާޔަތް ކުރުމަށް ބޭނުންވާ ބޮޑުހިލައިގެ ފަސްވަނަ ޝިޕްމަންޓް ވަނީ މިމަހުގެ 19 ވަނަ ދުވަހު ޕްރޮޖެކްޓް ސައިޓަށް ގެންދެވިފައި ކަމަށް އެމްޓީސީސީން ވެސް ވަނީ ބުނެއެވެ.
އެ ގޮތުން އެ މަޝްރޫއުގެ ދަށުން، ހޯރަފުށީގެ އެއާޕޯޓްގެ ގޮނޑުދޮށް ހިމާޔަތް ކުރުމާއި ކޯޒްވޭގެ ދެފަރާތުން އޮއިދެމޭ ނިޒާމެއް ގާއިމް ކުރުމުގެ މަސައްކަތް ހިމެނޭ ކަމަށްވެސް އެ ކުންފުނިން ބުނެއެވެ.
އަދި މި މަޝްރޫއުގެ ޖުމްލަ އަގަކީ 90.5 މިލިއަން ރުފިޔާގެ މަޝްރޫޢެއް ކަމަށްވެސް އެކުންފުނިން ބުނެއެވެ.
"ސީއެންއެމް' އަށް މައުލޫމާތު ދެމުން ހޯރަފުށީ ކައުންސިލް ރައީސް މުހައްމަދު ވަހީދު ވިދާޅުވީ ހޯރަފުށީ އެއާޕޯޓްގެ ހުޅަނގު ފަރާތުގައި ހަދާ ރަންވޭ އަކީ ވަރަށް ބޮޑު ސަރަހައްދެއް ކަމަށާއި، މިހަރު ރަންވޭ ސަރަހައްދުގައި ބޮޑުހިލަ ޖަހަމުންދާ ކަމަށެވެ. އެގޮތުން މިހާރު ބޮޑުހޮލައިގެ ފަސްވަނަ ޝިޕްމެންޓް ގެނެސްފި ކަމަށްވެސް އޭނާ ވިދާޅުވިއެވެ.
މަސައްކަތުގެ ސްޕީޑް މިއަށްވުރެ ހަލުވި ކުރެވިއްޖެ ނަމަ މިހާރަށް އަވަހަށް މަސައްކަތް ނިމޭނެ ކަން ކައުންސިލުން ފާހަގަ ކުރެއެވެ. އަދި ބުނީ ލިބެންޖެހޭ ބައެއް ހުއްދަ ނުލިބުމުގެ ސަބަބުން ރޭގަނޑު މަސައްކަތް ނުކުރެވޭތީ ލަސްވެފައިވާ ކަމަށެވެ.
