އެންމެ އާންމުކޮށް ޑިޕްރެޝަންގެ ޝިކާރައަކަށް ވެފައިވާމީހުންނަކީ އެހެން މީހުންނާ އެކަހެރިކޮށް ތިބޭ މީހުންނެވެ. ފެންނަ ފެނުމަށް މިބަލި ޖެހިފައިވާ މީހުން އެހެން މީހުނެކޭ އެއްގޮތަށް ހިނިތުންވެ އާދައިގެ މަތިން ދިރިއުޅެމުން ދާތަން ފެނިދާނެއެވެ. ނަމަވެސް އެކަނިވެރި ކަމާއި މާޔޫސްކަން އަދި އަމިއްލަ ނަފްސަށް ކުރާ އިތުބާރު ކުޑަވެ، އަމިއްލަ އަށް މަރުވުން ފަދަ ވިސްނުން ބޮލުތެރެއަށް ވަދެގެން ދެއެވެ.
މިފަދަ ފަރާތް ތަކަށް ވެސް ޑޮކްޓަރީ ފަރުވާއާއި އެހެން މީހުންގެ އަޅާލުމާއި ލޯބި ބޭނުން ވާނެއެވެ. އަދި ޑިޕްރެޝަން އަކީ ބޭސް ނުކައި ވެސް ފަރުވާ ހޯދި ދާނެ ބައްޔެކެވެ.
ކަސްރަތުކުރުން:
ކޮންމެ ދުވަހަކު މަދުވެގެން 10 މިނެޓަށް ވިއަސް ކަސްރަތު ކުރުމުގެ ސަބަބުން ސިކުނޑީގެ ޑޮފަމިން ލެވެލް އިތުރުވެ، މީހާގެ މޫޑު ރަނގަޅުވެއެވެ.
މީހަކާ ވާހަކަ ދެއްކުން
އެހެން މީހުން އާއި ވާހަކަ ދައްކާ މީހުންގެ ތެރެއަށް ނުކުމެ އުޅުމަކީ މާޔޫސްކަމާއި ނުތަނަވަސް ކަމުން މީހާ ހަނދާން ނައްތާލަދީ މިކަމުން ސަލާމަތް ވާން ލިބޭ ހިތްވަރަކަށް ވެގެން ދާނެއެވެ.
އަޅުކަން ކުރުން.
ނަމާދު ކުރުމާއި ޤުރުޢާން ގިނަގިނައިން ކިޔެވުމުގެ ސަބަބުން މީހާ ނުތަވަސް ކަމުން ދުރުކޮށްދީ ޑިޕްރެޝަންއިން ސަލާމާތް ވެގެން ދެއެވެ.
ތިމާ ހިތް އެދޭ ކަމެއް ކުރުން
ތިމާ ކުރާހިތްވާ ކަމެއް ނުވަތަ ހިތް އެދޭ ކަމެއް ކުރުމުގައި ބިޒީވެ އުޅުމުގެ ސަބަބުން ކަންތައް މަތިން ހަނދާންނެތި މަޑުމަޑުން ކުރާހިތްވާ ކަންކަމަށް އަނެއްކާވެސް ލޯބިޖެހޭނެއެވެ.
