ޕެޝާވަރުގެ ލޭޑީ ރީޑިން ހޮސްޕިޓަލުގެ ތަރުޖަމާނު މުހަންމަދު އާސިމް ވިދާޅުވީ، ބޮން ގޮއްވާލުމުގެ ސަބަބުން 50 އަށްވުރެ ގިނަ މީހުން ޒަޚަމްވެފައިވާ ކަމަށާއި، މިހާދިސާގައި ޒަޚަމްވި މީހުންނަށް ފަރުވާ ދެމުންދާ ކަމަށެވެ.
ޕެޝާވަރުގައި ހުންނަ ފުލުހުންގެ ވެރިޔާ މުހަންމަދު އީޖާޒް ޚާން ވިދާޅުވީ، މިއީ ޖާނުންފިދާވެގެން ދިން ހަމަލާއެއް ކަމަށް ތުހުމަތު ކުރެވޭ ކަމަށާއި، ނަމަވެސް ތަހުގީގުތައް ކުރިއަށްދާ ކަމަށެވެ.
އާއިލާމީހުން މަރުވުމުން ހިތާމަ ކުރަނީ
މި ހަމަލާގެ ޒިންމާ މިހާތަނަށް އެއްވެސް ޖަމާއަތަކުން އުފުލާފައެއް ނުވެއެވެ. ނަމަވެސް މިފަހުން މިފަދަ ނުރައްކާތެރި ހަމަލަތައް ދީފައިވަނީ ޕާކިސްތާނަށް ނިސްބަތްވާ ތާލިބާނުންނާއި، ތަހްރީކް އޭ ތާލިބާން ޕާކިސްތާން ގުރޫޕުންނެވެ.
މިފަދަ ހަމަލާތަކުގައި ޝިއައީންގެ އެތައްހާސް ބަޔަކު މަރާލާފައިވެއެވެ. މިއަދު މިދިން ހަމަލާއަކީ މިދިޔަ އޮގަސްޓް މަހުގެ ފަހުން ދިން މިފަދަ އެންމެ ވަރުގަދަ ހަމަލާއެވެ.
