ޖާބިރު މިހެން ވިދާޅުވީ ރައްޔިތުން މަޖިލީހުގެ މިއަދުގެ ޖަލްސާގައި ދެއްކެވި ވާހަކައިގައެވެ.
ޖާބިރު ވިދާޅުވީ ގާނޫނުއަސާސީގައި ދެ ވާހަކައެއް އެބަ ބުނެދޭ ކަމަށާއި, ''އަހުރެން ދިވެހިރާއްޖޭގެ ރައްޔިތުންނަށް އިޚްލާސްތެރިކަމާ އެއްކޮށް ވަކާލާތުކުރާނެ ކަމަށާއި, ދިވެހިރާއްޖޭގެ ދީން ނަގަހައްޓާނެ ކަމަށާއި, ދިވެހި ދައުލަތުން ވައްކަން ނުކުރާނެ ކަމަށާއި'' މިހެން ހުވާކޮށްގެން ތިބި މީހުންގެތެރެއިން ހުވަޔާއި ޚިލާފުނުވެ ތިބީ އޭނާއާއި ރައީސް ނަޝީދު ކަމަށެވެ.
ނަމަވެސް މިހާރުގެ ހުވާގައި އޮންނަނީ އެހެނެއް ނޫންކަމަށް ޖާބިރު ވިދާޅުވިއެވެ.
ޖާބިރު އިތުރަށް ވިދާޅުވީ މިއަދު ރާއްޖޭގެ ރައީސުލްޖުމްހޫރިއްޔާ ކަމުގެ މަގާމުގައި މީހަކު ނެތި މި ގައުމު ހިނގަމުންދާތީ ހިތާމަކުރައްވާ ކަމަށެވެ. އަދި މި ވަގުތު ރާއްޖޭގެ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ހުންނެވީ މަގާމުން އިސްތިއުފާދެއްވައިގެން ކަމަށާއި, އޭގެ މާކުރިން ރައީސް ނަޝީދު ވެސް ރައީސްކަމުން އިސްތިއުފާ ދެއްވާފައިވާ ކަމަށެވެ.
ޖާބިރު ވިދާޅުވީ ރާއްޖޭގެ ރައީސުލްޖުމްހޫރިއްޔާގެ މަގާމުން އިސްތިއުފާދިނުމަށްފަހުގައި މަގާމު ހުސްވީކަމަށް ގާނޫނު އަސާސީގައި ވަރަށް ސާފުކޮށް ބުނެފައިވާ ކަމަށެވެ.
