ޑާންސް ޝޯ، "ޑާންސް ދީވާނޭ"ގެ ފަހު ސީޒަންގައި ގެސްޓް ޖަޖެއްގެ ގޮތުގައި މި އެކްޓްރެސް ފެނިގެން ގޮސްފައިވަނީ މަދޫރީ ޑިކްސިޓް އާއެކު އެވެ. ޑާންސް ރިއަލިޓީ ޝޯ "ޑާންސް ދީވާނޭ ޖޫނިއާ" ގެ ޖަޖެއްގެ ގޮތުގައި އޭނާ ވަރަށް އަވަހަށް ފެނިގެންދިއުމަކީ އޭނާގެ ސަޕޯޓަރުން ހައިރާންކޮށްލާނެ ކަމެކެވެ.
ނެށުމުގައި ފާހަގަކޮށްލެވޭ އިލްމާއި ތަޖުރިބާ އާއެކު ޒުވާން ސަޕޯޓަރުންގެ މެދުގައި ޖޯޝާއި ފޯރި ނޯރާ ގެނެސްދޭނެ އެވެ.
ޝޯ އިންތިޒާމު ކުރާ ފަރާތަކުން ވެސް އެކަން ކަށަވަރުކޮށްދެމުން ބުނީ "ނޯރާ ފަތެހީ އަކީ ގައުމުގެ އެންމެ މަގުބޫލު އެއް ނަން ކަމަށާއި ހާއްސަކޮށް އޭނާ އަކީ ކުޑަކުދިން ވަރަށް ލޯބިވާ މީހެއް ކަމަށެވެ. މީގެ ކުރިން ވެސް ރިއަލިޓީ ޝޯތަކުގައި ވެސް އޭނާ ބައިވެރިވެފައިވާއިރު، ކުރިއަށް އޮތް ޝޯއަށް އޭނާ އަށް ފުރުސަތު ދިނުމަކީ ޔަގީންކަމެއް."
އޭނާގެ ހުސްވުމެއް ނުވާ ހަކަތަ އާއި މުނިފޫހިފިލުވުމުގެ ޝަހުސިއްޔަތާ އެކު ނޯރާ ފަތެހީ ވަނީ މި ޝޯ ގެ ޖަޖަކަށް އިހްތިޔާރުކޮށްފަ އެވެ.
ނޯރާ ފަތެހީ މީގެ ކުރިން ވެސް ވަނީ އެހެން ރިއަލިޓީ ޝޯއެއްގެ ވަގުތީގޮތުން ފަނޑިޔާރެއްގެ މަސައްކަތް ކޮށްފައެވެ. އެއީ އެ ޝޯގެ އަސްލު ފަނޑިޔާރު މަލައިކާ އަރޯރާ ކޯވިޑަށް ޕޮޒިޓިވްވުމާ ގުޅިގެން ނެވެ.
މިހާރު ނޯރާ ފަތެހީ މުޅި ސީޒަނަށް ޖަޖެއްގެ ގޮތުގައި ޓީވީއަށް އެނބުރި އަންނައިރު، ބެލުންތެރިންގެ ރިއެކްޝަން ބަލާލުމަކީ ވެސް ވަރަށް ފޯރިގަަދަވާނެ ކަމެކެވެ. އޭނާގެ ފާހަގަކޮށްލެވޭ ނެށުމުގެ ހުނަރުތަކާއި ޝަހުސިއްޔަތުގެ ސަބަބުން އޭނާ އަކީ މީހުންގެ މެދުގައި ވަރަށް މަގުބޫލު އަންހެނެކެވެ. ހާއްސަކޮށް ކުޑަކުދިންގެ މެދުގައި ހީވެސް ނުކުރާވަރުގެ ފޭންބޭސްއެއް އޭނާގެ އޮވެ އެވެ. މީހުންގެ ހުނަރު ދައްކާލުމަށް ހާއްސަ ޕްލެޓްފޯމަށް ލިބިފައިވާ ބޮޑު މަޝްހޫރު ކަމާއެކު ދުނިޔޭގެ އެކި ކަންކޮޅުތަކުން މީހުން ދެކެނީ ނޯރާއަކީ އެމީހުންގެ މުޝީރެއްގެ ގޮތުގައެވެ.
