Advertisement

އަންހެނުން ކުރާ މަސައްކަތްތަކުގެ އަގުވަޒަން ކުރުމުގެ ގޮތުން ސަރުކާރުން ދޭ "ރެހެންދި އެވޯޑް" ދިނުމަށް ހާއްސަ ކޮށް ގެން ރޭ ބޭއްވި ރަސްމިއްޔާތުގައި އެ އެވޯޑްތައް ލިބުނު ފަރާތަކަށް އެވޯޑުތައް ހަވާލުކޮށް ދެއްވީ ރައީސް އިބްރާހީމް މުހައްމަދު ސޯލިހާއި އަދި ރައީސްގެ އަނބިކަނބަލުން ފަޒްނާ އަހުމަދެވެ.

އެ އެވޯޑް ދޭން ފަށާފައި ވަނީ 2014 ވަނަ އަހަރުން ފެށިގެން ކޮންމެ އަހަރަކު ފާހަގަ ކުރަމުންދާ ބައިނަލްއަގްވާމީ އަންހެނުންގެ ދުވަހާ ގުޅުވައިގެން ނެވެ.

އެ އެވޯޑަކީ އަންހެނުން ކުރާ މަސައްކަތްތާއ، އަންހެނުންގެ ހައްގުތައް ރައްކާތެރި ކުރުމަށް އަންހެނުންގެ ކުރިއެރުމަށް މަސައްކަތް ކުރާ ފަރާތްތަކުގެ ތެރެއިން ހޮވާލެވޭ ފަރާތްތަކުގެ އަގު ވަޒަން ކުރުމުގެ ގޮތުން ދެވޭ ހާއްސަ އެވޯޑެކެވެ.

އެވޯޑު ލިބުނު ފަރާތްތައް:

1. ޝިމްލާ އަހުމަދު، ހަބަރާއި މައުލޫމާތު ފެތުރުމުގެ ދާއިރާ
2. ނަފީސާ އަލީ، އާންމު ފަރުދުންގެ ތެރެއިން އަންހެނުންގެ ތަރައްގީއަށް މަސައްކަތް ކުރާ ފިރިހެނުންނާއި އަންހެނުންގެެ އެވޯޑު ހުށަހެޅޭ ކުރިމަތިލެވޭ ދާއިރާ
3. ޑރ.ފާތިމަތު މުފްލިހާ: ސިއްހީ ދާއިރާ
4. ލެފްޓިނެންޓް ފިރުޝާނާ ތައުފީގް: ސިއްހީ ދާއިރާ
5. އިއްޒަތް އަހުމަދު ނިޒާރު: ފަންނުވެރިކަމާއި ސަގާފަތާއި ތަރިކައިގެ ދާއިރާ
6. ދިމްނާ ފާކިރު: އިޖުތިމާއީ ދާއިރާ
7. އައިޝަތު އިބްރާހިމް: ކުދި އަދި މެދު ފަންތީގެ ވިޔަފާރީގެ ދާއިރާ އިން
8. ފާތިމަތު ޖަބީން: އަދާކުރާ ވަޒީފާގެ ގޮތުން އޮފީހަށް ނުވަތަ ދާއިރާއަށް ކޮށްފައިވާ ހިދުމަތުގެ ދާއިރާ
9. އެމްޕީއެލް: ވަޒީފާދޭ ފަރާތްތައް/ މުއައްސަސާތަކުގެ ދާއިރާ

ދެހާސް ސާދަވަނަ އަހަރުން ފެށިގެން މި އެވޯޑު ދޭން ފެށުނު ފަހުން، ވަކި ފަރުދުންނާއި ޖަމިއްޔާތަކާއި މުއައްސަސާތަކަށް ވެސް މި އެވޯޑް ވަނީ ދެވިފަ އެވެ.